Turun əsas oyununda “Aleksandriya”nı qəbul edən “Şaxtyor” böyükhesablı qələbə sayəsində bu komandaya lap yaxınlaşdı.

Donets klubunun ehiyatda bir oyununun olduğunu da nəzərə alaq. Bu oyunun taleyini “Şaxtyor”un baş məşqçisi Marino Puşiçin fasilədən sonra Sudakovla Eginaldonu meyana buraxması həll etdi. Bu iki futbolçu oyuna keyfiyyət və sürət gətirdi. İlk qolu vuran tərəfin qələbə qazanacağı aydın idi. 77-ci dəqiqədə Eginaldo nominal meydan sahiblərini (oyun Lvovda keçirildi) irəli çıxardı. “Aleksandriya” qoldan sonra böyük qüvvə ilə irəli atıldı və buna görə sərt cəzalandı. Eginaldo və Sudakov hərəyə bir qol vurdu.

“Vorskla” cari mövsümdə lider “Dinamo”dan xal alan 5-ci komanda oldu. Kiyevlilər erkən qolla irəli çıxsa da, nominal meydan sahibləri fasilədən sonra hesabı bərabərləşdirə bildi.
“Karpatı” LNZ ilə oyunun 29-cu dəqiqəsində azlıqda qaldı. Düşünmək olardı ki, Roman Qriqorçukun çalışdırdığı komanda gec-tez qələbə topunu vuracaq. Ancaq 74-cü dəqiqədə Bruninyonun penaltidən vurduğu qol lvovluları sevindirdi.

Martın 1-də keçirilməsi nəzərdə tutulan “İnqulets” – “Krivbass” oyunu uzunmüddətli həyəcan siqnalı üzündən bir gün sonra baş tutdu. Aşkar autsayder “İnqulets” avrokuboklara vəsiqəyə iddialı Krivoy-Roq klubu üzərində inamlı qələbə qazandı.
Emil Mustafayevin şərəfini qoruduğu “Çernomorets” “Levıy bereq”lə oyunda acı məğlubiyyətlə üzləşdi.

Əslində odessalılar futbol hayında deyildi, daha doğrusu, futbolçuların psixoloji tarazlığı pozulmuşdu. İş ondadı ki, oyundan əvvəlki gecə - futbolçular klubun Sovinyondakı məşq bazasında olarkən Rusiyanın pilotsuz uçuş aparatı əraziyə hücum etdi. Havada vurulan dron bazanın 30 metrliyinə düşdü. Partlayışın təsirindən binanın 2-3-cü mərtəbələrində pəncərələr sındı, futbolçular təcili həyətə töküldü. Yaxşı ki onların həyatına təhlükə yaranmadı. Sırf oyuna gəlincə, “Levıy bereq” bu qələbə sayəsində 11-ci pilləyə yüksəldi. Odessalıların isə bu mövsüm elitada yerini qoruması çətin olacaq. Yeri gəlmişkən, start heyətində meydana çıxan Emil 73-cü dəqiqədə əvəzləndi.

“Rux”u qəbul edən “Zarya” ilk dövrədəki acınacaqlı məğlubiyyətin (0:3) əvəzini çıxdı. Son iki oyunda qələbə qazanan komandaların – “Obolon”la “Polesye”nin duelində qolsuz heç-heçə qeydə alındı. Bununla da hər ikisinin qələbə seriyası qırıldı. Turun bazar günü keçirilən son oyununda “Veres” evdə “Kolos”a qalib gəldi. Heç-heçəyə gedən oyunda 8-ci uzatma dəqiqəsində penaltini qola çevirən Xaratin sabiq komandasını məyus etdi.

19-cu tur
Vorskla – Dinamo 1:1
Sklyar, 64 – Buyalski, 16.
Dinamo: Neşeret, Vivçarenko (Dubinçak, 46), Dyaçuk, Mixavko, Tımçik, Buyalski (Şaparenko, 72), Mixaylenko, Pixalenok (Brajko, 62), Yarmolenko (Braqaru, 84), Vanat, Kabayev (Voloşin, 62).
Şaxtyor – Aleksandriya 3:0
Sudakov, 77; 90+4. Eginaldo, 90.
Şaxtyor: Riznık, Bondar, Vinisius, Matviyenko, Pedro Enrike, Bondarenko (Sudakov, 46), Krıskiv (Qram, 84), Nazarina, Kevin, Traore (Eginaldo, 46), Şved (Elias, 73).
Karpatı – LNZ 1:0
Bruninyo, 74-p.
İnqulets – Krivbass 2:0
Puşkarev, 14. Benedyuk, 40.
Çernomorets – Levıy bereq 0:1
Şastal, 21.
Zarya – Rux 2:0
Yatsık, 3. Budkovski, 74.
Obolon – Polesye 0:0
Veres – Kolos 2:1
Krasniki, 6-öz qapısına. Xaratin, 90+8-p. – Qaqnidze, 31.

1. Dinamo 19 14 5 0 40-12 47
2. Aleksandriya 19 12 5 2 28-16 41
3. Şaxtyor 18 12 3 3 45-15 39
4. Krivbass 18 9 4 5 22-18 31
5. Polesye 19 8 7 4 25-16 31
6. Karpatı 19 8 3 8 23-23 27
7. Veres 19 6 7 6 22-25 25
7. Zarya 18 8 1 9 21-22 25
9. Rux 19 5 8 6 21-17 23
10. LNZ 19 6 4 9 19-27 22
11. Levıy bereq 19 5 4 10 10-21 19
12. Kolos 19 3 9 7 13-16 18
13. Obolon 19 4 6 9 11-29 18
14. Vorskla 19 4 5 10 16-27 17
15. Çernomorets 19 4 3 12 13-27 15
16. İnqulets 18 2 6 10 14-32 12

Bombardirlər: Vanat (Dinamo) – 11, Sudakov (Şaxtyor) – 10.