Ukraynada hesabat turu nəhənglərin – “Dinamo” ilə “Şaxtyor”un növbəti qələbəsiylə əlamətdar oldu. Kiyevlilərin baş məşqçisi Aleksandr Şovkovski risk etməyərək “Çernomorets”lə oyuna optimal heyəti buraxdı. Axı “Viktoriya” ilə Avropa Liqası çərçivəsindəki oyuna qədər hələ vaxt var. “Dinamo” erkən qol vurdu və arxayınlaşdı. Meydanda əsas hadisələr son 20 dəqiqədə cərəyan etdi. Buyalski ilə Rubçinski hesabı 3:0-a çatdırandan sonra odessalılar da təsəlli qolunu vura bildi.

“İnqulets”i darmadağın edən “Şaxtyor” cari mövsümdəki 5-ci böyükhesablı qələbəsini qazandı. Donetsk təmsilçisi PSV ilə ÇL oyununu düşünsə də, geniş rotasiyaya əl atmamışdı. Əsas oyunçulardan Konoplya ilə Matviyenko ehtiyatda qaldı və sona qədər də meydanda görünmədi. Mövsümdə ilk dəfə ardıcıl 3 oyunda qələbə qazanan “Şaxtyor” həm də çempionatın ən məhsuldar komandasıdı – 13 oyunda 37 qol. “İnqulets” isə hələ də qələbə hesabını aça bilməyib.

Həm “Veres”, həm də “Aleksandriya” məğlubiyyətsiz oyunlar seriyasını davam etdirdi. Onlarda bu göstərici, uyğun olaraq, 8-ə və 13-ə bərabərdi. Ancaq bu komandaların duelində qeydə alınan məhsuldar heç-heçə ilk növbədə “Dinamo”nun işinə yaradı. Kiyevlilər artıq vahid liderdi.

Turun üç oyununda 1:0 hesabı qeydə alındı. “Krivbass” “Obolon”a, “Karpatı” “Kolos”a, “Rux” isə “Levıy bereq”ə bu hesabla qalib gəldi. “Vorskla” ardıcıl 2-ci oyundan qalib gəldi. Poltavalılar elitanın debütantı LNZ-nin qapısından iki cavabsız top keçirdi. Yuri Maksimov baş məşqçi postuna gələndən sonra “Vorskla” əməlli-başlı dirçəlib.

Turun son oyununda Emil Mustafayevin şərəfini qoruduğu “Polesye” “Zarya”nı qəbul etdi – 1:1. Soydaşımız 74-cü dəqiqədə meydana çıxdı.

14-cü tur
Dinamo – Çernomorets 3:1
Vanat, 16. Buyalski, 70. Rubçinski, 87 – Skıba, 90+2.
Dinamo: Buşan, Belovar, Vivçarenko, Karavayev (Voloşin, 77), Mixavko, Popov, Brajko, Buyalski (Salenko, 89), Vanat (Gerrero, 77), Kabayev (Mixaylenko, 84), Şaparenko (Rubçinski, 84).
Şaxtyor - İnqulets 6:0
Bondarenko, 45. Franyiç, 47. Kevin, 50. Eginaldo, 70; 82. Zubkov, 79.
Şaxtyor: Riznık, Azarov, Bondar, Vinisius, Franyiç, Bondarenko, Krıskiv, Sudakov (Pedrinyo, 63), Kevin (Neverton, 63), Zubkov (Şved, 81), Sikan (Eginaldo, 63).
Veres – Aleksandriya 1:1
Qayduçik, 27-p. – Bezerra, 78.
Obolon – Krivbass 0:1
Tverdoxleb, 25.
Karpatı – Kolos 1:0
Bruninyo, 32.
Rux – Levıy bereq 1:0
Karabin, 45-p.
Vorskla – LNZ 2:0
Myakuşko, 30. İede, 54.
Polesye – Zarya 1:1
Sarapi, 85 – Budkivski, 65.

1. Dinamo 13 11 2 0 32-10 35
2. Aleksandriya 13 10 3 0 22-8 33
3. Şaxtyor 13 9 2 2 37-12 29
4. Polesye 13 6 5 2 21-11 23
5. Krivbass 13 6 4 3 14-11 22
6. Karpatı 14 6 3 5 16-17 21
7. LNZ 14 5 3 6 15-20 18
8. Rux 13 4 6 3 17-9 18
9. Vorskla 14 4 4 6 14-18 16
10. Veres 14 3 7 4 15-17 16
11. Zarya 14 5 1 8 14-18 16
12. Kolos 14 2 7 5 8-11 13
13. Çernomorets 14 3 3 8 9-17 12
14. Levıy bereq 14 2 3 9 4-18 9
15. Obolon 14 2 3 9 6-27 9
16. İnqulets 14 0 6 8 9-29 6

Bombardir: Bondarenko (Şaxtyor) – 8.