Həftəsonu Ukrayna çempionatında 3-cü turun oyunları keçirildi.

Elitanın debütantı “Levıy Bereq” “Şaxtyor”la qarşılaşdı. “Şaxtaçılar” yalnız fasilədən sonra baş məşqçi Marino Puşiçin doğum günü olduğunu və ən azı buna görə qələbə qazanmağın vacibliyini xatırladılar. 63-cü dəqiqədə Pedrinyo fərdi ustalıq sayəsində Sikanı zərbə mövqeyinə çıxardı. Ölkə çempionatında 100-cü oyununu keçirən hücumçu “Şaxtyor”a qələbə qazandıran qolu vurdu.
“Dinamo”nu qəbul edən “Krivbass” 42-ci saniyədə kiyevlilərin qapısına yol tapdı. Ancaq qonaqlar şokdan tez ayıldı. Ardıcıl iki imkanı əldən verən Pixalenok 3-cü cəhddə - 23-cü dəqiqədə hesabı bərabərləşdirdi. Növbəti qollar isə 2-ci hissədə vuruldu. 58-ci dəqiqədə Vanat topu uzaq küncə göndərdi, uzatma dəqiqələrində veteran Yarmolenko özünə qarşı kobudluğa görə təyin olunan penaltini qola çevirdi.

“Krivbass” “Betis”lə keçirəcəyi Konfrans Liqasının pley-off oyununa yaxşı əhval-ruhiyyədə hazırlaşacaq. Krivoy-Roq klubu hesabat turunda “Veres”i iki cavabsız qolla məğlub etdi. Qalan oyunlara gəlincə, “Çernomorets” mövsümdəki ilk qələbəsini “Kolos” üzərində qazandı. “Zarya”nı səfərdə məğlub edən “Aleksandriya” zirvəyə yüksəldi. “Vorskla” “Obolon”u, LNZ “Rux”u inamla məğlub etdi.

“Polesye” uğurlu startın davamını gətirə bilmədi. Ötən tur səfərdə “Şaxtyor”u məğlub edən jitomirlilər bu dəfə “İnqulets”lə heç-heçəyə razılaşdı. Komandalar ilk yarıda hərəyə bir qol vurdu. 2-ci hissə meydan sahiblərinin hücumlarıyla başladı. Start heyətində yer alan və 79-cu dəqiqədə əvəzlənən soydaşımız Emil Mustafayev də hücumlarda fəal iştirak edirdi. 15 dəqiqə ərzində 5 qol şansını qaçıran “Polesye”nin sonda xal itkisi ilə razılaşması təbii haldı.

3-cü tur
Levıy Bereq – Şaxtyor 0:1
Sikan, 63.
Şaxtyor: Riznık, Bondar, Konoplya, Azarov (Pedro Enrike, 78), Franyiç, Bondarenko (Stepanenko, 88), Krıskiv, Pedrinyo (Neverton, 90+4), Sudakov, Kevin (Eginaldo, 46), Sikan (Traore, 88).

Karpatı – Dinamo 1:3
Oçeretko, 1 – Pixalenok, 23. Vanat, 58. Yarmolenko, 90+2-p.
Dinamo: Buşan, Belovar, Vivçarenko, Mixavko, Tımçik (Malış, 90+3), Andriyevski (Mixaylenko, 82), Voloşin (Yarmolenko, 73), Lonveyk (Şaparenko, 46), Pixalenok, Vanat, Kabayev (Braqaru, 73).

Veres – Krivbass 0:2
Kvabena Prins, 12. Stetskov, 81-p.

Çernomorets – Kolos 1:0
Xoblenko, 35.

Zarya – Aleksandriya 1:2
Cordan, 51 – Bezerra, 24. Kovalets, 32.

Vorskla – Obolon 2:0
Nesterenko, 24. Kane, 69.

LNZ – Rux 3:1
Til, 73. Pasiç, 82. Yaşari, 90+8-p. – Kvasnitsa, 52.

Polesye – İnqulets 1:1
Nazarenko, 45 – Vilivald, 41.

1. Aleksandriya 2 2 0 0 4-1 6
2. Şaxtyor 3 2 0 1 6-1 6
3. Dinamo 2 2 0 0 5-2 6
4. Krivbass 3 2 0 1 3-3 6
5. Zarya 3 2 0 1 4-3 6
6. LNZ 3 2 0 1 4-3 6
7. Vorskla 3 2 0 1 5-5 6
8. Karpatı 3 1 1 1 4-3 4
9. Polesye 2 1 1 0 2-1 4
10. Rux 2 1 0 1 5-3 3
11. Çernomorets 3 1 0 2 1-2 3
12. İnqulets 3 0 2 1 2-3 2
13. Kolos 3 0 2 1 2-3 2
14. Veres 3 0 1 2 1-4 1
15. Obolon 3 0 1 2 2-8 1
16. Levıy Bereq 3 0 0 3 0-5 0

Növbəti turun oyunları avqustun 24-26-sı aralığında keçiriləcək: Aleksandriya – Şaxtyor, Dinamo – Vorskla, Polesye – Obolon, Rux – Zarya, Krivbass – İnqulets, LNZ – Karpatı, Levıy Bereq – Çernomorets, Kolos – Veres.

Bombardirlər: Matviyenko, Sikan (hər ikisi “Şaxtyor”), Surikov (Kolos), Kovalets, Bezerra (hər ikisi “Aleksandriya”), Kvasnitsa (Rux) – 2.