Misli premyer-liqasının 25-ci turunun son oyunu “Neftçi”nin futbolçusu Emin Mahmudov üçün əlamətdar olub.

"Football-plus.az" PFL-in saytına istinadən xəbər verir ki, “Kəpəz”lə səfərdəki görüşün start heyətində yer alan 33 yaşlı yarımmüdafiəçi Azərbaycan çempionatlarında 200-cü oyununu keçirir. O, yubiley matçına qədər 43 qola imza atıb.

Emin premyer-liqada yalnız bir klubun – “Neftçi”nin formasını geyib. O, Azərbaycan çempionatları tarixində “ağ-qara” formada 200 matç keçirən ilk oyunçudu. Yarımmüdafiəçi premyer-liqadakı oyun sayında komandasının rekordçusudu.

Qeyd edək ki, Mahmudov premyer-liqada 2017/18 mövsümündə debüt edib. O, 2017-ci ilin sentyabrın 24-də səfərdə “Qəbələ”yə qarşı (1:2) forma geyib.