Tibo Kurtuanın təxminən iki il çəkən həsrəti başa çatmaq üzrədi. O, yenidən milli formada görünəcək.

“Real”ın qapıçısı tezliklə Belçika yığmasına qayıdacaq. Bu barədə milli komandanın yeni baş məşqçisi Rudi Qarsiya “Ekip” nəşrinə müsahibəsində “o, geri qayıdacaq. Bu, bütün Belçika üçün əla xəbərdi. Mən həmişə Tibonu dünyanın ən yaxşı qapıçısı saymışam. “Real”ın “Mançester Siti” ilə oyunundan əvvəl onunla danışmaq üçün Madridə getmişdim” deyib.

Qeyd edək ki, Kurtua 2023-cü ilin yayından milli komandaya çağrılmayıb. Yerli mənbələr onun yığmanın qeyri-qənaətbəxş nəticələrə görə istefaya göndərilən sabiq baş məşqçisi Domeniko Tedesko ilə yola getmədiyi haqda xəbərlər yaymışdı.