Belçika yığmasında baş məşqçi problemi yoluna qoyulmaq üzrədi.

Football-plus.az xəbər verir ki, yerli mənbələr vakant posta Domeniko Tedeskonun təyinat almaq şansını yüksək dəyərləndirir. Belçika Kral Futbol Assosiasiyasının işçi qrupu onun milli komandanı çalışdırmasını mövcud məqamda ən real variant olduğu qənaətinə gəlib. Tedeskonun gələn həftə yeni təyinat alması gözlənilir.

Xatırladaq ki, DÇ-2022-də uğursuzluğa düçar olan yığmanın sabiq baş məşqçisi Roberto Martines istefa vermişdi. Tedeskonun sonuncu iş yerinin ötən ilin sentyabrında istefaya göndərildiyi “Leyptsiq” olduğunu da bildirək.