Lionel Messinin “Barselona”ya qayıdacağı haqda iddia ortaya çıxıb.

“İnter Mayami”nin hücumçusunun yaxın vaxtlarda sabiq klubuna dönəcəyini jurnalist Aleks Kandal iddia edir. O, “İnter Mayami”nin 37 yaşlı futbolçusunun yeni təmir edilmiş “Kamp Nou” stadionunda oynamadan karyerasını başa vurmaq istəmədiyini deyib.

Xatırladaq ki, Messi “İnter Mayami”də 2023-cü ilin yayından oynayır. Ulduz futbolçunun ABŞ klubu ilə müqaviləsinin müddəti 2025-ci ilin sonuna kimi nəzərdə tutulub.

Messi “Barselona”nın formasını 2004-21-ci illərdə geyib. O, bu müddət ərzində göy-qırmızı formada 778 oyun keçirib, 672 qol vurub və 303 məhsuldar ötürmə edib.