"Avrokuboklara düşmək düşüncəsi nə məndə, nə də komanda da yoxdu" - Elmar Baxşıyev
Misli premyer-liqasında 3-cü turdan təxirə salınan “Zirə” – “Araz-Naxçıvan” matçında “qırmızı-ağlar” qələbə qazandı - 1:0.
“Football-plus.az” xəbər verir ki, “Araz-Naxçıvan”ın baş məşqçisi Elmar Baxşıyev oyunsonrası mətbuat konfransında jurnalistlərin suallarını cavabladı.
- Oyun həqiqətən də düşündüyümüz kimi ağır alındı. Hər iki komanda yaxşı mübarizə göstərdi. Qələbə qazanmışıq və yolumuza davam edirik. Qarşıdakı oyuna hazırlaşırıq. Komandamı təbrik edirəm. Yaxşı performans göstərdilər. Zədəlilər qoşulandan sonra daha da yaxşı oyun nümayiş etdirəcik.
- Komanda 2-ci hissədə daha yaxşı çıxış etdi?
- Oyun dəstixəttimiz var ki, onun üzərində dayanmışıq. Bəzən “Zirə” bəzən də, biz üstün tərəf olurduq. İkinci hissədə hücumların kreativliyini artırdıq .
- Qara Qarayevin ilk matçı idi. Necə dəyərləndirisiz?
- Bütün futbolçulara güvənirəm. Qaraya dəstək oluruq. O da dəstəyi qaytarmalıdı. Qara böyük xarakterə malik olan futbolçudu. Düşünürəm ki, Qara komandanın bir parçasıdı.
- Bəxtiyarın zədəsi nə zaman sağalacaq?
- Tam ciddi deyil. Mikrotravmadı.
- 12 oyuna 27 xal... 2-ci pillədə qərarlaşmısız. Avrokuboklar haqqında danışmaq üçün tezdi?
- Bu komandanı yığanda bəzi həmkarlar bizi aşağı pillələrdə görürdü. Daha da geniş ola bilərik. Avrokuboklara düşmək düşüncəsi nə məndə, nə də komanda da yoxdu. Qarşımızdakı rəqibi düşünürük. Avropaya düşsək, yaxşı olacaq. Düşməsək də, qismət.
ƏSƏD SEYİDOV
Digər xəbərlər
