“Turan Tovuz”un türkmənistanlı baş məşqçisi Kurban Berdıyevin uzun müddət Rusiyada çalışdığını bilirik.

"Football-plus.az" xəbər verir ki, Valeri Karpin “Rostov”dan istefa verəndən sonra rusiyalı həmkarlarımız hansı çalışdırıcıların bir komandanın “sükanı arxasında” daha çox oyunda olmasıyla bağlı statistika hazırlayıb.

Bu göstəricidə rekordçu Yuri Syomindi. O, fərqli zaman kəsiklərində “dəmiryolçular”ı 561 oyuna çıxarıb, 294 qələbə qazanıb. Siyahının 2-ci pilləsində isə “Rubin”i 2003-13 və 2017-19 aralığında çalışdıran Berdıyev qərarlaşıb. Tanınmış mütəxəssis Kazan klubunu meydana çıxardığı 393 oyunun 164-də qələbə qazanıb.

Ümumiyyətlə, bir klubla 300 oyun həddini yalnız Syomin, Berdıyev və Oleq Romantsev (Spartak) aşıb.