Bir neçə gün əvvəl İngiltərə premyer-liqasında yarışan klubların iclası keçirilib.

"Football-plus.az" xəbər verir ki, yığıncaqda “Mançester Siti”nin baş direktoru Ferran Soriano növbəti mövsümün startının bir qədər təxirə salınması ilə bağlı məsələ qaldırıb.

Onun təmsil etdiyi klub daha çox öz probleminin həlli üçün çalışıb: MS-nin Klublararası Dünya Çempionatından (KDÇ) sonra normal istirahət etməsinə şərait yaradılmasını təklif edib. Lakin bu təklifi heç kim qəbul etməyib, əksinə “Siti”yə təqvimdən daim şikayətlənməkdən əl çəkmək məsləhət görülüb.

“Çelsi” təxirəsalmaya ehtiyac duymadı
Bilindiyi kimi, KDÇ-nin formatı dəyişib. İlk dəfə 32 komandanın iştirakı ilə təşkil ediləcək turnir ABŞ-də 15 iyun – 13 iyul aralığında keçiriləcək. Premyer-liqanın növbəti mövsümü avqustun 16-da başlayacaq. İngiltərənin hər hansı klubu finala qədər irəliləyəcəyi halda yeni mövsümə hazırlıq müddəti bir aydan bir az çox olacaq. “Siti” rəhbərliyi məhz buna görə ölkə çempionatının 2025/26 mövsümünün bir qədər gec başlamasını xahiş edib.

Qeyd edək ki, KDÇ-nin Avropadan olan iştirakçıları qitə kuboklarının son mövsümlərindəki uğurlarına əsasən müəyyən edilib. Bir şərtlə ki, bir ölkədən ikidən artıq komanda iştirak etməsin. Bu şərtə görə, İngiltərəni mundialda Çempionlar Liqasında 2021-ci və 2023-cü illərdə qalib gələn “Çelsi” və MS təmsil edəcək. Reytinqi kifayət qədər yüksək olan “Liverpul” iki komanda qaydasına görə yarışda iştirak hüququ qazana bilməyib. Cari mövsümdə çempionluğa ən real namizəd olan klubun MS-nin təlifinə razılaşmaması təbiidi: mersisaydlılar istənilən halda növbəti mövsümə mançesterlilərdən daha yaxşı hazırlaşa biləcəklər.

Bu mənada “Çelsi” iclasdakı təklifi dəstəkləməli idi. Axı paytaxt komandası da KDÇ-də iştirak edəcək. Lakin londonlular təxirəsalmaya ehtiyac duymayıblar. Görünür, heyətin çox geniş olmasına görə belə mövqe nümayiş etdiriblər.

Qvardiola çıxış yolunu nədə görür?
“Siti”nin cari mövsümdə necə üzücü nəticələrə malik olduğu hamıya məlumdu. Uzun illərdi daxili və beynəlxalq turnirlərdə rekordlar müəyyən edən Xosep Qvardiola və komandası artıq antirekordları sıralayır. İspaniyalı mütəxəssis müxtəlif problemləri yoluna qoymaq üçün gecə-gündüz baş sındırır. O, premyer-liqa klublarının məlum mövqeyindən sonra, “Nyukasl” ilə matçdan əvvəl keçirilən mətbuat konfransında narahatlığını jurnalistlərə belə çatdırıb:

Qvardiola birbaşa KDÇ-nin yeni formatına toxunmayıb. Amma onun sözlərindən bu barədə narazı olduğunu başa düşmək çətin deyil. Dolayısı ilə illik təqvimi daha da sıxlaşdıran FİFA-nı və MS-nin təklifini qəbul etməyən Premyer-Liqanı “sancıb”. 54 yaşlı məşqçi çətinliklər içində olduğu məqamda əvvəlki illərdə qazanılan uğurları xatırlatmağı da unutmayıb. Mətbuat konfransında bunları da deyib:


Pep jurnalistlərlə görüşündə daha emosional fikirlər də səsləndirib:


Bəlkə də, Qvardiola indiki məqamda “Siti”nin problemlərini yoluna qoyacağı ilə bağlı başqalarından çox özünü əmin etməlidi.