A seriyasının 25-ci turunda diqqətlər əsasən liderlik uğrunda mübarizəyə təsir edəcək iki matça yönəlmişdi.

"Football-plus.az" xəbər verir ki, Romada qalib müəyyənləşmədi, Turində isə ev sahibləri qələbə qazandılar.

“Napoli” son iki turda rəqibləri ilə heç-heçə oynasa da, uzun müddətdi qərar tutduğu liderlik kürsüsünü tərk etməmişdi. Avrokuboklarda oynamayan Antonio Kontenin komandasının bu dəfə “Latsio” ilə dueldən necə çıxacağı maraqla gözlənilirdi. Bu mövsüm romalılara ölkə kubokunun 1/8 finalında 1:3, çempionatda isə 0:1 hesabı ilə məğlub olan cənublular bu rəqibindən qisasını ala bilmədi. Paytaxtda keçirilən matçın əvvəlində qarşılıqlı qollar mübarizənin barışmaz axarda davam edəcəyindən xəbər verirdi. Parlaq startdan sonra rəqiblər bir qədər ehtiyatlı oynamağa üstünlük verdilər.

İlk hissədə digər yaddaqalan məqamlardan “Latsio”nun hücumçusu Kastelyanosun zədələnərək meydanı tərk etməsini və qonaqların qapıçısı Meretin Rovellanın təhlükəli zərbəsini zərərsizləşdirməsini qeyd etmək olar. Fasilədən sonra İsaksen ilə Lukakunun hesabı dəyişməyən zərbələri də yaddaqalan oldu. Neapolluların təzyiqi 64-cü dəqiqədə Maruşiçin topu öz qapısına yönəltməsi ilə nəticələndi. Buna baxmayaraq, paytaxt komandası sona yaxın Dianın cavab qolu ilə məğlubiyyətdən yaxa qurtardı.

Beləliklə, “Napoli” bu mövsüm “Latsio” ilə 3-cü dueldə yalnız bir xal qazana bildi. Kontenin komandası ardıcıl 3-cü heç-heçədən sonra bazar günü liderliyi itirə bilərdi. “İnter” Turində maksimum nəticəyə nail olacağı halda vahid lider olacaqdı. Lakin İtaliyanın son çempionu əzəli rəqiblərindən sayılan “Yuventus”dan heç bir xal da ala bilmədi. Baxmayaraq ki, Simone İnzaqinin komandası ilk hissədə daha yaxşı təsir bağışladı. Amma şanslardan istifadə edə bilməyən milanlılar ikinci hissədə bunun acısını çəkməli oldular.

Ev sahibləri fasilədən sonra rəqibini qapıya sıxışdırmaqla istəyinə çatdı. Konseysaonun vurduğu qol “Yuventus”a vacib xallar qazandırdı. Tyaqo Mottanın komandasının bu mövsüm A seriyasında ilk dəfə ardıcıl 3 qələbə qazandığını da qeyd edək. “İnter” liderdən 2, “Yuventus” isə 10 xal geri qalır.

25-ci tur
Atalanta – Kalyari 0:0
(21485)
Atalanta: Karnesekki, Poş, Toloy, Hin, Rucceri, Kuadrado (Palestra, 56), Sulemana (De Roon, 74), Breşianini (Ederson, 67), Paşaliç, Samarciç (De Ketelare, 46), Retegi (V.Vlahoviç, 56).

Latsio – Napoli 2:2
İsaksen, 6. Dia, 87 - Raspadori, 13. Maruşiç, 64-öz qapısına. (41500)
Latsio: Provedel, Tavareş (Latsari, 82), Romanyoli, Xila, Maruşiç, Rovella, Genduzi, Zakkanyi, Pedro (Dia, 74), İsaksen (Çauna, 82), Kastelyanos (Noslin, 27).
Napoli: Meret, Matsokki (Marin, 85), Buoncorno (Politano, 62), Rrahmani, Juan Jezus, Di Lorentso, Lobotka, Zambo Angissa, Maktominey, Raspadori, Lukaku.

Milan – Verona 1:0
S.Ximenes, 75. (69578)
Milan: Menyan, Ernandes, Qabbya, Tiav, Uoker (A.Ximenes, 46), Reynders, Fofana (Pulişiç, 68), Sottil (Leao, 46), Feliş (F.Terraçano, 88), Musa, S.Ximenes (Abraham, 82).

Fiorentina – Komo 0:2
Diao, 41. Pas, 66. (20000)
Fiorentina: De Xea, Qosens (Parizi, 70), Ranyeri, Ponqraçiç, Dodo, Mandraqora (Riçardson, 70), Kataldi (Kolpani, 55), Folorunşo, Facoli, Zanyolo (Qudmundsson, 55/Ndur, 74), Beltran.

Parma – Roma 0:1
Sule, 33. (20559)
Roma: Svilar, Salah-Eddin (Anxelinyo, 77), Ndika, Mançini (Nelsson, 46), Çelik, Salemakers (Baldantsi, 65), Qurna-Duat (Pizilli, 81), Kone (Lorentso Pelleqrini, 46), Paredes, Sule, Şomurodov.

Yuventus – İnter 1:0
Konseysao, 74. (41500)
Yuventus: Di Qreqorio, Savona (Kambyaso, 59), Renato Veyqa, Qatti, Vea, K.Türam (Lokatelli, 77), Makkenni, Koopmeyners, Qonsales, Konseysao (Yıldız, 81), Kolo Muani.
İnter: Zommer, Pavar, Açerbi, Bastoni (M.Türam, 62), Dimarko (Zalevski, 62), Dyumfris, Mxitaryan (Korrea, 80), Çalhanoğlu (Zyelinski, 80), Barella, Lautaro Martines, Taremi (Auqusto, 62).

Bolonya – Torino 3:2
Ndoy, 20; 70-p. Biraqi, 90-öz qapısına – Vlaşiç, 37. Elmas, 61. (24274)

Montsa – Leççe 0:0
(11050)

Udineze – Empoli 3:0
Ekkelenkamp, 19; 65. Toven, 90. (19539)

Cenoa – Venetsiya 2:0
Pinamonti, 82. Korne, 86.

1. Napoli 25 17 5 3 41-19 56
2. İnter 25 16 6 3 58-24 54
3. Atalanta 25 15 6 4 54-26 51
4. Yuventus 25 11 13 1 42-21 46
5. Latsio 25 14 4 7 47-34 46
6. Fiorentina 25 12 6 7 41-27 42
7. Milan 24 11 8 5 36-24 41
8. Bolonya 24 10 11 3 38-29 41
9. Roma 25 10 7 8 36-29 37
10. Udineze 25 9 6 10 32-37 33
11. Cenoa 25 7 9 9 24-33 30
12. Torino 25 6 10 9 27-31 28
13. Komo 25 6 7 12 30-40 25
14. Kalyari 25 6 7 12 26-39 25
15. Leççe 25 6 7 12 18-41 25
16. Verona 25 7 2 16 26-54 23
17. Empoli 25 4 9 12 22-38 21
18. Parma 25 4 8 13 30-45 20
19. Venetsiya 25 3 7 15 22-41 16
20. Montsa 25 2 8 15 21-39 14

Bombardirlər: Retegi (Atalanta) - 20, Ken (Fiorentina) - 15, M.Türam (İnter) - 13, Lukman (Atalanta) - 10.

Turun rəqəmi
600 - evdə “Kalyari” ilə qolsuz heç-heçəyə razılaşan “Atalanta” Can Pyero Qasperininin başçılığı altında A seriyasında yubiley xalını qazandı. 67 yaşlı mütəxəssis 2016-cı ildən çalışdırdığı berqamolularla 600 xal həddinə çatdı. Bu planda liqanın rekordu “Yuventus” ilə 663 xal qazanan Massimiliano Alleqriyə məxsusdu.

Turun ulduzu
Fransişko Konseysao (Yuventus) – turun mərkəzi oyununda nəticəni portuqaliyalı futbolçu müəyyən etdi. Sağ cinah boyunca keçidləri ilə rəqibin arxa xəttinə təhlükələr yaradan Konseysao hücumu sona çatdırmaq bacarığını da nümayiş etdirdi.

Turun sitatı
Tyaqo Motta, “Yuventus”un baş məşqçisi: