“Vaqif Cavadovun “Sumqayıt”a gəlişindən sonra komandanın fərqli oyun göstərdiyini gördük. Komanda məşqçi dəyişikliyindən sonra hücumda daha çox Kamran Quliyevə üstünlük verdi və demək olar ki, hər oyunda qol imkanlarını reallaşdırmağa başladı. Amma qış fasiləsindən sonra Cavadov dəyişiklik etmək qərarına gəldi. Artıq hücumda Kamrana yox, başqalarına şans verildi və qol vəziyyətlərini reallaşdırmaqda problemlər başladı. Vəziyyət göz qabağındadı. Bu vəziyyəti düzəltmək üçün isə çox sadə çıxış yolu var. Reallaşması mümkün olmayan epizodların üzərində komanda daha çox çalışmalıdı. Komandanın qış fasiləsinə qədər yığdığı xala əsasən Cavadovla müqavilə yeniləndi. Yəni məşqçinin komanda ilə işi bu qədər qısa ola bilər. Məşqçi ilə müqavilə yenilənibsə, deməli, klub rəhbərliyi ona güvənib”.