Yaşadığı ağır zədədən sonra dizindən əməliyyat olunan və mövsümü başa vuran ''Qalatasaray''ın ulduzu Mauro İkardi ilə Vanda Nara arasındakı boşanma prosesinin bəzi detalları məlum olub.

''Football-plus.az'' xəbər verir ki, qalmaqallı cütlüyün boşanma öncəsi prinsipial məsələlərdə anlaşma ehtimalının olmadığı üzə çıxıb. Xüsusilə təzminat və uşaqların haqları mövzusunda tərəflər arasında ciddi fikir ayrılığı yaşanır.

İtaliya mətbuatında Vandanın İkardiyə qarşı olan tələbləri ilə bağlı detallar qeyd olunub. Vanda lüks həyat tərzini davam etdirmək üçün tanınmış futbolçudan aylıq 500 min avro aliment tələb edir! Bundan başqa bu xanım İkardidən Milanda möhtəşəm panoramalı bir mənzili, eləcə də Komo gölünün sahilindəki villanı da tələb edir.

Çayna Suares ilə yeni eşq macərasına başlayan İkardinin isə əsas tələbi uşaqlarla bağlıdı. O, Vandadan olan iki qızı Françeska ilə İzabellanın İstanbula gələrək onunla birlikdə yaşamasını istəyir. Boşanma məhkəməsinin ilk iclası martın 11-də keçiriləcək.

ƏLİ