Vanda Nara İkardidən boşanır!
Dünyanın ən məşhur cütlüklərindən olan Mauro İkardi ilə Vanda Naranın arasından deyəsən yenə qara pişik keçib.
Tez-tez küsüb barışan cütlüyün ayrılması haqda son günlər yenə Argentina mətbuatında şaiyələr peyda olmuşdu. Görünür, bu dəfə vəziyyət həqiqətən də ciddidi. Argentinalı jurnalist Laura Ubfalın paylaşdığı xəbərə görə Vanda Maurodan ayrılıb və boşanma ərizəsi verib. Vandanın vəkili Ana Rozenfeldin sözlərinə görə o, bu qərarı çoxdan vermək istəyirdi. Tərəflərin münasibətlərinin pozulduğunu göstərən daha bir məqam Vandanın ''instaqram''da İkardini təqibdən çıxarmasıdı. Dünən Vanda özü də susqunluğu pozdu. Jurnalist Luis Venturaya açıqlamasında o, bunları dedi:
''Həm şəxsi, həm də sağlamlığımla bağlı problemləri nəzərə alaraq münasibətlərimizə daha bir şans vermək istədim. Amma alınmadı. Qoy, hər kəs istədiyini danışsın. Mən heç danışmadığım şeyləri sona buraxıram''.
Qeyd edək ki, 2022-ci ildə də iki dəfə ayrılıb barışan cütlüyün iki övladı var.
ƏLİ
Digər xəbərlər
