''Qalatasaray''ın göz bəbəyi Mauro İkardinin çalxantılı həyatı gündəm olmaqda davam edir.

Həyat yoldaşı Vanda Nara ilə boşanmaq ərəfəsində olan ünlü argentinalı forvard bu gün Buenos Ayresdəki şəhər ədliyyəsində görüntülənib. Türkiyə mətbuatının yazdığına görə İkardi boşanma müddətində davam edən hüquqi anlaşmazlığın bir parçası olaraq psixoloji dəyərləndirmə testindən keçmək üçün ədliyyəyə gəlib. Əslində bu qalmaqallı cütlük əvvəllər də dəfələrlə küsüb barışmışdılar. Amma bu dəfə Naranın açıq-aydın şəkildə reper L-Gante ile eşq yaşaması vəziyyəti çıxılmaz həddə çatdırıb.

Bir müddət öncə Vanda İkardidən fiziki və psixoloji şiddət gördüyünü iddia edərək ondan şikayət etmişdi. Cütlük uzun illərdi birlikdədir və bu müddət ərzində böyük sərvət sahibi olublar. Üstəlik İkardi iki qızını da Vandadan almağa çalışır. Ona görə də boşanma prosesinin bir xeyli çəkəcəyini güman etmək olar. Bu arada yeni bir iddiaya görə İkardi məhkəmədə onun hüquqlarını müdafiə edən gözəl vəkil Anxela Burqos ilə eşq macərası yaşayır. Onu da xatırladaq ki, diz zədəsi üzündən mövsümü başa vuran İkardi bazar ertəsi Buenos Ayresdə əməliyyat olunacaq.

ƏLİ