''Qalatasaray''ın ulduzu Mauro İkardi ilə yaşadıqlarıyla gündəmdən düşməyən Vanda Nara son paylaşımları ilə yenə diqqət çəkib.

Bilindiyi kimi reper L-Gante ilə eşq yaşayan Nara hazırda İkardi ilə boşanma mərhələsindədi. O, boşanmaq üçün ünlü futbolçu ilə birlikdə olduğu müddətdə qazandıqları 77 milyon avroluq sərvətin yarısını tələb edir.

Bu arada Vanda doğum gününü təmtəraqla qeyd etdi. 10 dekabr 1986-cı il təvəllüdlü Nara özündən 13 yaş kiçik sevgilisi L-Gante və dostlarını başına toplayaraq evində parti təşkil etdi. Vanda ad günündən çəkilən şəkil və videoları ''instaqram'' səhifəsində paylaşıb. Ən diqqətçəkən an isə onun sevgilisi ilə birlikdə paltarlı ola-ola hovuza tullanması olub. Bu anlar izləyiciləri tərəfindən maraqla qarşılanıb. Paylaşıma çoxlu ''layk'' və şərhlər gəlib.

Vanda dekabrın 8-də də bir tədbirə L-Gante ilə birlikdə getmiş və onunla qol-qola çəkdirdilər şəkilləri yenə də öz səhifəsində paylaşmışdı.

ƏLİ