Kolumbiyada qadın futbol komandalarının oyunu zamanı bir neçə adamın həyatına son qoyan faciə baş verib. Faciəyə həmin adamların altında gizləndiyi ağacı ildırım vurması səbəb olub. Nəticədə beş adam həlak olub, bir neçəsi də müxtəlif dərəcəli xəsarət alıb.

Faciəvi hadisə fevralın 9-da, günün ikinci yarısında ölkənin qərb departamentlərindən olan, Sakit okeanın sahilində yerləşən Kaukada baş verib. Real kəndində qadınlar arasında futbol turnirinin final oyunu keçirilirmiş. Şahidlərin sözlərinə görə, oyun vaxtı güclü yağış başlayıb. Tamaşaçıların bir qismi məhz ildırım vuran ağacın altında özünə daldanacaq tapıb:

Zərbə nəticəsində dörd adam dərhal dünyasını dəyişib, biri də sonradan xəstəxanada keçinib. Daha ikisi ciddi xəsarətlə xəstəxanaya çatdırılıb – onları Kauka departamentinin mərkəzi olan Popayan şəhərindəki San-Xose klinikasına aparıblar. Ölənlərdən dördü Pyedraq Neqras kəndində yaşayan futbolçulardı – Ceydi Daneysi, Daniela Yinet, Lus Eneyda, Etelvina Morales.

Rəsmi şəxslər və dövlət strukturları dərhal faciəyə reaksiya verib. Bələdiyyənin meri Diana Karolina Kabanilyas, təbii fəlakət risklərinin idarə olunması üzrə məsləhət bürosu və başqaları... Yerli administrasiyanın katibi Lesi Valensiya belə deyib:


Bu, Kauka departamentində ildırım vurması ilə bağlı ilk faciə deyil. 2023-ün aprelində də faciə beş adamın həyatına son qoymuş, daha 12 şəxs ciddi zədə almışdı – onların arasında uşaqlar da var idi. İldırım adamları şəhər küçələrində yaxalamışdı. Onlar ictimai idman tədbirində iştirak etmək üçün toplaşmışdılar.