Bir neçə gün əvvəl “Santos”a qayıdan Neymarla bağlı növbəti xəbər yayılıb. Onun yayda sabiq klubuna qayıtmaq istədiyi iddia olunur.

“Cadena Ser” radiostansiyasının xəbərinə görə, 33 yaşlı futbolçu yenidən Avropa klubunda oynamağı özü üçün vacib sayır.

Bu baxımdan “Barselona”ya dönüş onun üçün ən arzulanan variant olacaq. Ancaq hücumçu ilk növbədə “Santos”dakı çıxışı ilə yenidən diqqət mərkəzinə düşməli olduğunu da yaxşı anlayır.

Xatırladaq ki, “Barselona”da 4 il oynayan Neymar İspaniya klubunu 2017-ci ildə PSJ-yə dəyişib.