Kay Havertsin səhhəti ilə bağlı üzücü məlumat yayılıb.

“Arsenal”ın futbolçusu uzun müddətə sıradan çıxıb. 25 yaşlı hücumçu komandası ilə məşq edərkən zədələnib. Almaniyalı oyunçunun diz vətərlərinin qırıldığı məlum olub. Bərpa prosesinin iyun ayına qədər davam edəcəyi bildirilir. Başqa sözlə, mövsüm Kay üçün erkən sona çatıb. O, bu mövsüm londonluların heyətində 34 oyunda meydana çıxaraq 15 qol vurub və 5 məhsuldar ötürmə edib.

Yeri gəlmişkən, “Arsenal”ın daha üç hücumameyilli oyunçusu - Bukayo Saka, Qabriel Jezus və Qabriel Martinelli zədəlidilər.