“Arsenal” aparıcı oyunçularından birini uzun müddətə itirib.

Kiran Tirni üçün cari mövsüm erkən sona çatıb. Şotlandiya yığmasının düşərgəsindən kluba diz zədəsi ilə qayıdan futbolçu əməliyyat olunacaq. Kiran bu səbəbdən milli komandaya DÇ-2022-nin iyun ayına təyin olunan Ukrayna ilə seçmə pley-off oyununda kömək etməyə bilər.

24 yaşlı Tirni bu mövsüm İngiltərə premyer-liqasında keçirdiyi 22 matçda 1 qol vurub və 3 məhsuldar ötürmə edib.