“Neftçi” Futbol Mərkəzinin inşasını tamamlamaq istəyirik" - Cenk Sümər
"Neftçi"nin baş icraçı direktoru Cenk Sümər "Palms Sports"la sponsorluq anlaşmasının imzalanma mərasimində iştirak edib.
"Football-plus.az" xəbər verir ki, tədbirdə çıxış edən funksioner bu anlaşmanın klubun beynəlxalq arenada inkişaf etməsinə xidmət edəcəyini bildirib:
“Neftçi” üçün önəmli gündü. Ötən yay yeni strategiyamızın həyata keçirilməsinə start verdik. Maddi dayanaqlılıq üzərində çalışırıq. “Palms Sports”la müqavilədən əldə olunan gəlirin bizə böyük faydası olacaq. Güclü “Neftçi”nin təməlinin başa çatdırılması yönündə addımlar atılmaqdadı. “Neftçi” Futbol Mərkəzinin inşasını tamamlamaq istəyirik. Birinci mərtəbə hazırdı. Qarşıdakı aylarda ikinci və üçüncü mərtəbələr də inşa ediləcək”.
