“Neftçi”nin dayanlıqlı inkişafı üçün xeyli işlər görülməlidi və görülür. Bazanın daha da inkişaf etdirilməsi sözlərimə sübutdu. Əsas məqsədlərdən biri rəngarəng sponsorluq anlaşmalarıdı. “Neftçi” ailəsinə qoşulduğu üçün Fuad bəyə təşəkkür edirəm. Bu addım ölkə idmanında ciddi töhfədi. “Neftçi” Azərbaycan futbolunun simasıdı, tarixidi, böyük şəhərin, xalqın komandasıdı. Klubun brend olaraq formalaşması, inkişaf etməsi bizim üçün çox vacibdi. Düzdü, komandanın bugünkü göstəriciləri azarkeşlərin xoşuna gəlmir. Azarkeş kimi deyim ki, “Neftçi”yə yalnız birinci pillə yaraşır. Əlimizdən gələni edirik ki, arzuladığımız yerə qovuşaq. Bunun iki yolu var. Birincisi uğurun arxasınca qaçmaq, ikincisi dayanıqlı olmaq. Bu da strukturdan, akademiyanın inkişafından, uşaq futbolundan və maliyyə dayanıqlılığın yerində olmasından asılıdı. Müvəqqəti yox, uzunmüddətli uğur istəyirik. Bu da səbr istəyir. İnanırıq ki, “Neftçi” üçün başqa sponsorlar da cəlb edəcəyik. “Palms Sports”un təcrübəsindən bəhrələnməliyik. Eyni zamanda problemləri bilmək, həlli istiqamətində yollar axtarmalıyıq. Anlaşmanın araya-ərsəyə gəlməsində əziyyət çəkən insanlara təşəkkür edirəm”.