“Vəziyyət çox çətindi. Azərbaycanda bacarıqlı futzalçıların sayı çox azdı. Ötən ilə qədər daha çox braziliyalı oyunçulara şans verildi, öz uşaqlarımız ortada qaldı. Millimizdə ortayaşlı futzalçı yoxdu. İndi iddialı komandalarda “at oynadanlar” kimdi? Ortayaşlı oyunçular... Yığmamızın heyəti gənclərdən və yaşlılardan qurulub. Gənclər təcrübəsizdi, yaşlılar isə tez yorulur. Buna baxmayaraq, Yunanıstan yığmasına qalib gəlməliydik. Çünki zəif komandadı. Təəssüf ki, belə oldu. Belə rəqibə qarşı daha aqressiv oynamaq, ardıcıl hücumlar qurmaq lazımdı. Yığmamız qorxaq oyun sərgilədi. Amma uşaqları buna görə qınamıram. Təcrübəsizdilər, nə etmək olar?! Nə vaxt inkişaf edəcəyik? Bu şəraitdə çox çətindi. Futzalda sponsor yoxdu. Hər kəs maddi sıxıntı içindədi. Bacarığı olanlar minifutbola üz tutur. Orda yaxşı pul verirlər...

Yüksək liqada komanda sayı azdı. Yuxarı pillələrdəki kollektivlərlə aşağıdakılar arasında hər baxımdan uçurum var. Yenə də Yunanıstanı udmalıydıq. Xorvatiyaya isə 2:9 hesabıyla uduzmamalıydıq. Bəli, qələbə qazanacaqdılar. Onlar indi futzalda söz sahibi olan komandalardan biridi. Amma məğlubiyyət daha kiçik hesablı olmalıydı”.