“Təbii ki, iki oyunda 12 qol buraxmaq və yalnız bir qol vurmaq acınacaqlıdı. Ümid edirəm ki, məşqçilər korpusunun nəticələrlə bağlı tutarlı səbəbləri olacaq. İndiyə qədər bəzi fikirləri Vitali Borisova çatdırmışıq. Məsələn, “Baku Fire”ın təcrübəli futzalçısı, baş məşqçinin oyun tərzinə uyğun Kənan Manafov yığmaya çağrılmayıb. Çalışdırıcı səbəbi gəncləri sınamaq istəyiylə izah etdi. Onsuz da heyətin 70 faizi gənclərdən qurulub. Hər iki oyunu izlədik. Düzdü, 12 qol buraxılıb, lakin heç birində konkret qapıçı səhvindən söhbət getmir. Futzalçılarla bağlı çox şey dəyişməlidi. Təcrübəsizlikləri bir yana, hər biri özündən əvvəl bayrağımız üçün oynamalıdı. Lakin güclərindən tam istifadə etmirlər. Böyük boşluqlar var. Məşqçilər bu məsələlərə fikir vermir. Halbuki komanda belə oyunlara fərqli psixologiyayla hazırlaşmalıdı. Matça tam formada köklənmək lazımdı. Qarşıdakı günlərdə oyunlarla bağlı məşqçilərlə iclas keçiriləcək və lazımi iradlar bildiriləcək”.

“Bunlar yoldaşlıq görüşləri idi. Müəyyən qədər anlayışla qarşılaşamaq mümkündü. Onsuz da Vitali Borisov deyir ki, “oyunçuları yoxlayırdım”. Millimiz dekabrın 17-də AÇ-2026-nın əsas mərhələsi çərçivəsində İsveçlə qarşılaşacaq. Həmin oyundakı nəticədən asılı olaraq, qərar verəcəyik”.