Premyer-liqa təmsilçisi ''Brayton'' Almaniyanın 2-ci bundesliqasında çıxış edən ''Nürnberq''in forvardı Stefanos Tsiması heyətinə qatıb.

''Football-plus.az'' xəbər verir ki, 19 yaşlı futbolçunun keçidi ingilislərə 25 milyon avroya başa gəlib. Yunanıstanlı Tsimas PAOK-un yetirməsidi və əslində müqavilə ilə bu kluba məxsus idi. ''Nürnberq'' onu mövsümün əvvəlində icarəyə götürmüşdü. Amma yığmamızın üzvü Mahir Emrelinin şərəfini qoruduğu Almaniya təmsilçisi çox ağıllı bir gediş edib.

''Nürnberq'' fevralın 2-də PAOK-a 17 milyon avro ödəyərək Tsiması daimi əsasda transfer edib. Fevralın 3-də isə onlar gənc oyunçunu 25 milyon avroya İngiltərəyə göndəriblər. Yəni ''Nürnberq'' 24 saat ərzində bu alqı-satqıdan 7 milyon avro gəlir əldə edib!

Tsimas bu mövsüm 2-ci bundesliqada meydana çıxdığı 17 qarşılaşmada aktivinə 10 qol, 2 məhsuldar ötürmə yazıb.

ƏLİ