Nikolo Zanyolonun ''Qalatasaray''dan ''Aston Villa''ya keçidi rəsmən təsdiqini tapıb.

"Football-plus.az" xəbər verir ki, İstanbul nəhəngi bu satış ilə bağlı məlumat yayıb.

İtaliyalı ulduz ilk mövsüm üçün ingilislərə 5 milyon avroya icarəyə verilib. Bonuslarla birlikdə məbləğ daha 1,375 milyon avro arta bilər. Amma gözlənildiyi kimi müqavilədə məcburi satış maddəsi də yer alıb.

''Aston Villa'' gələn yay 22,5 milyon avro ödəyərək Zanyolonu məcburi şəkildə transfer edəcək! Bu puldan əlavə futbolçunun performansından asılı olaraq ''Cim-Bom'' daha 15,5 milyon avro qazana bilər. Yəni Türkiyə çempionunun bu satışdan əldə edəcəyi ümumi gəlir 44,3 milyon avroya çata bilər. Bu isə Türkiyə futbolu üçün yeni satış rekordu deməkdi. Zanyolo özü də sosial şəbəkədə vida paylaşımı edib.

Xatırladaq ki, ''Qalatasaray'' 24 yaşlı vingeri bu ilin fevralında 15 milyon avroya ''Roma''dan transfer etmişdi.