“Bodrum”da özümü rahat hiss edirəm. İnşallah, ən qısa müddətdə arzuladığımız səviyyəyə yüksələcəyik. “Bodrum” gənc oyunçulara malik olan, kiçik büdcə ilə çox yaxşı idarə edilən bir klubdu. Bu mövsüm üçün hədəf ilk “10-luğ”a düşməkdi. Bunu bacarsam, özümü xoşbəxt hiss edəcəm. Həftəsonu bizi ən çətin oyunlardan biri gözləyir. “Qalatasaray”ın səviyyəsi hər kəsə bəllidi. Amma xal və ya xallar qazanmaq üçün əlimizdən gələni edəcəyik. Osimhen Türkiyə çempionatında oynamış ən yaxşı oyunçulardan biridi. Çempionatımızda rəqabətin artması üçün klublarımızın maddi dayaqları güclənməlidi. Hazırda maddi cəhətdən Türkiyədə “Qalatasaray” və “Fənərbaxça” ilə rəqabət apara biləcək bir komanda yoxdu. Başqaları, sadəcə, büdcəsinə uyğun hərəkət etmək məcburiyyətindədi. Hədəflərim arasında, təbii ki, həm yığma komandanı, həm də “Fənərbaxça”nı çalışdırmaq var. Amma düzünü desəm, indi mənim üçün bu vəzifələrdən birində çalışmaq çox tezdi. Kimsə mənə bu iki vəzifədən birini təklif etsə, qəbul etmərəm. Demirəm ki, buna tam hazır deyiləm. Sadəcə, bu cür yerdə işləmək üçün doğru zaman olmalıdı”.