A seriyasının 22-ci turunda çoxdandı təsadüf edilməyən hadisə baş verdi: “Yuventus” uduzdu! Bu hadisəni turinlilərə yaşadan “Napoli” liderliyini qorudu. Neapolluların əsas izləyicisi “İnter” də qalib gəlməklə xal fərqinin artmasına imkan vermədi.

Turun mərkəzi oyunu Neapolda baş tutdu. Həftəiçi Çempionlar Liqasında “Brügge” ilə səfər matçını (0:0) keçirən “Yuventus”un bu şəhərdə nəyə nail olacağı maraqla gözlənilirdi.

Avrokuboklarda çıxış etmədiyi üçün həftəyə bir oyun qrafiki ilə hərəkət edən Antonio Kontenin sabiq komandasına qarşı hansı sürprizi hazırladığı sual doğururdu. Əslində 55 yaşlı mütəxəssis start heyəti və ya taktiki olanda qeyri-adi seçim etməmişdi. Onun hazırkı komandası rəqibinin yorğunluğundan maksimum yararlandı. İlk hissədə topa nəzarət planında ev sahibləri bir qədər üstün olsalar da, qapı qarşısında real qol vəziyyətlərini turinlilər yaratdılar. Meretin ilk dəqiqələrdə Yıldızın hesabı açmağa mane olduğunu qeyd etməliyik.

Hissənin ortalarında Qonsalesin zərbəsi qeyri-dəqiq alınsa da, təhlükəli idi. Nəhayət, fasilə ərəfəsində qonaqlar hesabı açdılar: Zambo Angissanın topa uğursuz toxunuşundan yararlanan Kolo Muani ağ-qara formada keçirdiyi ilk oyunda qol hesabını açdı. Lakin fasilədən sonra meydandakı mübarizənin axarı dəyişdi. Lukakunun cavab qolunu vurmasına Di Qreqorio name oldu. Amma çox keçmədən Zambo Angissa ilk hissədəki səhvini düzəldərək Politanonun ötürməsi ilə hesabı bərabərləşdirdi. Bununla kifayətlənməyən ev sahibləri hücumları davam etdirməklə rəqibə həyəcan yaşatdılar. Qonaqlar yorğunluğun da təsiri ilə hücumların qarşısını almaqda çətinlik çəkirdilər. Bu səbəbdən Lokatellinin cərimə meydançasında Maktomineyə qarşı kobud oynamaqdan başqa çıxış yolu tapa bilmədi. Lukaku isə penalti ilə komandasını önə keçirdi. Belçikalı hücumçunun Avropanın aparıcı liqalarında vurduğu 200-cü qol neapolluların vacib qələbəsi üçün kifayət etdi. Kontenin komandası çempionatda ardıcıl 7-ci qələbə ilə liderliyini qorudu. “Yuventus” isə Tyaqo Mottanın başçılığı altında bu mövsüm çempionatdakı 22-ci oyununda ilk dəfə məğlub oldu.

Liderin əsas izləyicisi olan “İnter” səfərdə “Leççe”dən gözlənilən 3 xalı 4 cavabsız qolla aldı. İtaliyanın son çempionu bir oyun az keçirməklə əvvəlki kimi “Napoli”dən 3 xal geri qalır. Simone İnzaqi A seriyasında 200-cü qələbəsinə sevindi. 48 yaşlı mütəxəssis buna “Latsio” və “İnter” ilə ümumilikdə 332-ci sınağında nail olmaqla Massimiliano Alleqrinin rekordunu (o, 200 qələbəni 338 oyuna qazanıb) yenilədi.

Nəhayət, “Atalanta” çempionatdakı qələbəsiz oyunlar seriyasını 4-də dayandırdı. “Komo”ya 2:1 hesabıyla qalib gələn Can Pyero Qasperininin komandası liderdən 7 xal geri qalmaqla 3-cü yerdədi

Tur paytaxt təmsilçiləri üçün fərqli alındı. “Latsio” evdə “Fiorentina”ya 1:2 hesabı ilə uduzdu, “Roma” səfərdə “Udineze”yə eyni hesabla qalib gəldi. Yanvarda İtaliya Superkubokunun qalibi olan “Milan”nın “Parma” üzərində son dəqiqələrdə qazandığı əzmkar qələbəni xüsusi vurğulamalıyıq.

22-ci tur
Napoli – Yuventus 2:1
Zambo Angissa, 57. Lukaku, 69-p. – Kolo Muani, 43. (53589)
Napoli: Meret, Spinatsola, Juan Jezus, Rrahmani, Di Lorentso, Lobotka (Simeone, 89), Zambo Angissa, Maktominey, Politano (Matsokki, 89), Neres (Nqonq, 90+2), Lukaku (Gilmor, 89).
Yuventus: Di Qreqorio, Kambyaso (Savona, 65), Kalulu, Qatti, Makkenni, K.Türam, Lokatelli (Duqlas Luis, 74), Koopmeyners, Yıldız (Mbanqula, 65), Qonsales (Konseysao, 74), Kolo Muani (D.Vlahoviç, 82).
Komo – Atalanta 1:2
Pas, 30 - Retegi, 56; 72. (10366)
Atalanta: Karnesekki, Kolaşinats, Cimşiti, Skalvini (Breşianini, 56), Zappakosta (Bellanova, 46), Kuadrado (Rucceri, 55), Ederson, De Roon (De Ketelare, 68), Samarciç, Lukman (Toloy, 78), Retegi.
Empoli – Bolonya 1:1
Kolombo, 24 - Dominges, 44. (10321)
Bolonya: Skorupski, Likoyannis (Miranda, 76), Lukumi, Beukema, Holm, Moro (Ferqyuson, 74), Fröyler, Dominges (İllinq-Cunior, 84), Ndoy, Odqor (Fabbian, 74), Dallinqa (Kastro, 46).
Milan – Parma 3:2
Pulişiç, 38-p. Reynders, 90+2. Çukvueze, 90+5 – Kançelyeri, 24. Del Prato, 80. (72304)
Milan: Menyan, Ernandes (Bertezaqi, 46), Qabbya, Pavloviç, Kalabriya (Yoviç, 78), Reynders, Musa, Fofana (Çukvueze, 56), Pulişiç, Leao (Bennaser, 46), Morata (Abraham, 56).
Udineze – Roma 1:2
Lukka, 38 - Lorentso Pelleqrini, 50-p. Dovbik, 64-p. (23853)
Roma: Svilar, Ndika, Mançini, Çelik (Şomurodov, 46), Anxelinyo, Rensx (Zalevski, 70), Kone, Pizilli, Lorentso Pelleqrini (Kristante, 81), Baldantsi (Əl-Şaaravi, 58), Dovbik (Dibala, 81).
Leççe – İnter 0:4
Frattezi, 6. Lautaro Martines, 39. Dyumfris, 57. Taremi, 61-p. (27233)
İnter: Zommer, Bastoni, De Vrey (Bissek, 46), Darmian, Auqusto, Dyumfris (Byukenen, 62), Mxitaryan (Barella, 58), Zyelinski, Frattezi (Asllani, 75), Lautaro Martines (Taremi, 59), M.Türam.
Latsio – Fiorentina 1:2
Maruşiç, 90+2 – Adli, 11. Beltran, 17.
Latsio: Provedel, Luka Pelleqrini (Hüsay, 66), Xila, Romanyoli, Maruşiç, Genduzi, Dele-Başiru (Rovella, 46), İsaksen (Pedro, 46), Dia (Noslin, 80), Zakkanyi, Kastelyanos.
Fiorentina: De Xea, Qosens, Ranyeri, Ponqraçiç, Dodo (Parizi, 77), Adli (Komutso, 63), Mandraqora, Folorunşo (Riçardson, 86), Qudmundsson (Sottil, 77), Beltran, Ken.
Torino – Kalyari 2:0
Adams, 6; 61. (18992)
Venetsiya – Verona 1:1
Zerbin, 28 – Çaçua, 76.
Cenoa – Montsa 2:0
De Vinter, 61. Vaskes, 84.

1. Napoli 22 17 2 3 37-15 53
2. İnter 21 15 5 1 55-18 50
3. Atalanta 22 14 4 4 48-25 46
4. Latsio 22 12 3 7 38-30 39
5. Yuventus 22 8 13 1 35-19 37
6. Fiorentina 21 10 6 5 35-22 36
7. Milan 21 9 7 5 32-23 34
8. Bolonya 21 8 10 3 33-27 34
9. Roma 22 8 6 8 33-28 30
10. Torino 22 6 8 8 23-26 26
11. Udineze 22 7 5 10 25-34 26
12. Cenoa 22 6 8 8 20-30 26
13. Komo 22 5 7 10 27-36 22
14. Empoli 22 4 9 9 21-29 21
15. Kalyari 22 5 6 11 23-36 21
16. Parma 22 4 8 10 28-39 20
17. Verona 22 6 2 14 25-48 20
18. Leççe 22 5 5 12 15-40 20
19. Venetsiya 22 3 7 12 20-35 16
20. Montsa 22 2 7 13 20-33 13

Bombardirlər: Retegi (Atalanta) - 16, M.Türam (İnter) - 13, Ken (Fiorentina) - 12, Lukman (Atalanta) - 10.

Turun rəqəmi
29 – nəhayət, uzun müddətdən sonra “Yuventus”a qalib gələn tapıldı. “Napoli”dən xal ala bilməyən (1:2) turinlilərin çempionatdakı 29 oyunluq (10 qələbə, 19 heç-heçə) məğlubiyyətsiz seriyası qırıldı. “Yuventus” A seriyasında sonuncu dəfə ötən il martın 30-da səfərdə “Latsio”ya minimal hesabla uduzmuşdu.

Turun ulduzu
Mateo Retegi (Atalanta ) – 25 yaşlı hücumçu “Komo”ya qarşı oyunu yüksək səviyyədə keçirdi. Matçın nəticəsini böyük ölçüdə dubl edən Retegi müəyyən etdi. Bu mövsüm A seriyasındakı qollarının sayını 16-ya çatdıran Mateo bombardirlərin siyahısındakı lider mövqeyini möhkəmləndirdı.

Turun sitatı
Antonio Konte, “Napoli”nin baş məşqçisi: