Premyer-liqa klubları transfer çalışmalarını davam etdirir, əsasən də legionerlərlə güclənməyə çalışır.

9 legioneri araşdırmışdıq. Artıq yeni 5 legioner də premyer-liqa klublarına transfer olub. Həmin legionerlərin yığma karyerasını və qiymətini araşdırdıq.

Stas Pokatilov (500 min avro – transfermarkt.com)
1992-ci il dekabrın 8-də Qazaxıstanın Uralsk şəhərində anadan olub. 2013-cü ildə Qazaxıstanın U-21 yığmasında çıxış edib və 8 oyunda meydanda olub. 2015-ci ildən etibarən əsas yığmanın üzvüdü və bu müddətdə 28 oyun keçirib.

Momo Yansane (350 min)
1997-ci il iyulun 29-da Qvineyanın Fria şəhərində anadan olub. 2017-ci ildə Qvineyanın U-20 yığmasında çıxış edib, 5 oyunda meydanda olub. Hücumçu 2021-ci ilin oktyabrında Qvineya millisində debüt edib və cəmi 15 dəqiqə meydanda olub.

Trent Buhagyar (300 min)
1998-ci il fevralın 27-də Avstraliyanın Qosford şəhərində anadan olub, həm Avstraliya, həm də Malta vətəndaşlığına malikdi. 2018-ci ildə Avrstraliyanın U-23 yığmasında çıxış edib, 6 oyunda 1 qol vurub. 2024-cü ildə Malta millisinə dəvət alıb, ötən il oktyabrın 13-də Millərlər Liqasında Moldova ilə oyunda debüt edib.

Kauan Martins De Paula (200 min)
200-ci il iyulun 12-də Braziliyada anadan olub. Peşəkar futbolçu karyerası ərzində bir çox klubda oynayıb. Kauan Brazilya millisində çıxış etməyib.

Joarlem Batista Santos (150 min)
1995-ci il mayın 1-də Braziliyanın Teofilo Otoni şəhərində anadan olub. O da ölkəsinin yığmasında çıxış etməyib.

ƏSƏD SEYİDOV