Bu gün futbol üzrə ölkə çempionatının 1-ci liqasında 12-ci tura yekun vurulub.

"Football-plus.az" xəbər verir ki, ilk oyunda “Qaradağ Lökbatan” “Cəbrayıl”a qalib gəlib - 2:0. Tura “Zaqatala” – “Mingəçevir” oyunuyla yekun vurulub - 2:1.

Xatırladaq ki, yeni ilin ilk matçı Binədə keçirilib. MOİK bu matçda “İmişli”yə qalib gəlib - 4:3. Növbəti qarşılaşma Yevlaxda olub. Burda "Difai"ni qəbul edən "Karvan" xal itirib - 3:3. “Qəbələ”yə gəlincə, lider “Baku Sportinq”i qəbul edib. Kaxaber Sxadadzenin hələ uduzmayan və qol buraxmayan komandası ənənəyə sadiq qala bilib. Dəqiq desək, qolsuz "sülh"ə razılaşıb.

30 yanvar
MOİK – İmişli 4:3
Vüsal Əsgərov, 55. İbrahim Əliyev, 78; 90+5. Sabir Allahquliyev, 90+7 - Mehdi Tahirov, 15. Elmir Rəhimzadə, 58. Seyxan Fərəcov, 67-p.
Binə, qəsəbə stadionu. Saat 13.00.

Karvan – Difai 3:3
Emil Qasımov, 5; 26; 90 - Kristian Kamta, 3; 45-p. Muhammed Alfa, 12.
Yevlax, şəhər stadionu. Saat 14.00.

Qəbələ – Baku Sportinq 0:0
Qəbələ, şəhər stadionu. Saat 15.00.

31 yanvar
Qaradağ Lökbatan – Cəbrayıl 2:0
Şahin Balejai, 11. Fərid Nadirov, 70.
Lökbatan, Olimpiya İdman Kompleksinin stadionu. Saat 14.00.

Zaqatala – Mingəçevir 2:1
Roini İsmayılov, 45+2-p. Cəlal Cəbrayılov, 88 - Fanen Jozef Akyam, 68-p.
Qırmızı vərəqə: Elnur Mirzəyev, 75.
Zaqatala, Olimpiya İdman Kompleksinin stadionu. Saat 14.00.

Xal durumu: Qəbələ - 30, Karvan – 26, İmişli – 21, Zaqatala – 19, MOİK – 17, Cəbrayıl, Baku Sportinq – 14, Qaradağ Lökbatan – 11, Difai - 9, Mingəçevir – 6.

Bombardirlər: Bəhruz Teymurov, Emil Qasımov (hər ikisi "Karvan") – 9, Seyxan Fərəcov (İmişli) - 6.

KƏNAN BAHADIR