Bu gün futbol üzrə ölkə çempionatının 1-ci liqasında 20-ci tura start verilir.

İlk oyunda “Mingəçevir” “İmişli”ni qəbul edəcək. Bəllidi ki, Ədəhim Niftəliyev və komandası çətin sınaq qarşısındadı. Çempionatın ortababları sırasında qərarlaşan kollektiv ötən həftə “Araz Saatlı” qarşısında biabır oldu (0:4). Qısası, autsayderin təzyiqinə tab gətirə bilməyən “nur şəhəri”nin təmsilçisi dərhal toparlanmalıdı. Yoxsa daha ciddi rəqibə qarşı növbəti sensasiyanın yaşanması mümkün görünür. Qonaqların 19-cu turda “Şamaxı”ya qalib gələ bilməməsi də (0:0) nəzərə alınmalıdı. Əsgər Abdullayevin yetirmələri xal itkisini kompensasiya etmək üçün dəridən-qabıqdan çıxacaq. Hər halda, məqsəd çempionluqdu və lider “Qaradağ Lökbatan” fərqi artırmağa nail olub. Odu ki, meydanda azarkeşlərin könlünü almağa çalışan “Mingəçevir”lə çempionluq yolunda iddiasını qoruya bilmək üçün döyüşən “İmişli” görəcəyik.

3 aprel
Mingəçevir – İmişli 0:1
Qırmızı vərəqə: Gilyerme Silva, 81.
Qol: Elnur Cəfərov, 90+3.
Mingəçevir. Yaşar Məmmədzadə adına şəhər stadionu. Saat 15.00.
Xal durumu: Qaradağ Lökbatan, İmişli – 39, MOİK – 38, Şamaxı – 35, Karvan – 28, İrəvan – 23, Zaqatala – 22, Mingəçevir – 21, Difai Ağsu – 13, Araz Saatlı – 7.

KƏNAN BAHADIR