Bu gün futbol üzrə ölkə çempionatının 1-ci liqasında 17-ci tura start veriləcək.

İki gün ərzində keçiriləcək oyunlar PFL-in “1-ci liqa/2-ci liqa” “yutub” kanalında canlı yayınlanacaq.

İlk matçda MOİK “Araz Saatlı”nı qəbul edəcək. Ordu klubu son üç turda məğlub olmasa da, xal itkiləri üzündən turnir cədvəlində geriləmə yaşayıb. Ötən həftə “İrəvan”ı rüsvay edən kollektiv (7:0) bu dəfə də meydana qələbə üçün çıxacaq. Hər halda, Qəzənfər Abbasovun yetirmələri yetərincə iddialıdı və çempionluq uğrunda mübarizədən qopmaq istəmir. Rüfət Quliyevin komandası isə “qara zolaq”dan qurtula bilmir. Mövsüm ərzində cəmi bir qələbəyə sevinən Saatlı təmsilçisi bu gedişlə 2-ci liqaya yuvarlanacaq.

6 mart
MOİK – Araz Saatlı 6:4
Elmir Rəhimzadə, 23, 87. Ramil Orucov, 37. Nicat Əskərov, 39. Nihad Qurbanlı, 58. Cavidan Abbaszadə, 82 - Nurlan Bayramov, 44-öz qapısına. Sequn Omotoşo, 48. Şamil Abdullayev, 62. Rəvan Əvəzov, 77.
Binə, qəsəbə stadionu. Saat 14.30.
Xal durumu: Qaradağ Lökbatan, İmişli, MOİK – 32, Şamaxı – 30, Karvan – 27, İrəvan – 23, Zaqatala – 19, Mingəçevir – 15, Difai Ağsu – 9, Araz Saatlı – 4.
Bombardir: Elşad Tağıyev (Şamaxı) – 11.

KƏNAN BAHADIR