Bu gün futbol üzrə ölkə çempionatının 1-ci liqasında 14-cü tura start verilir. İki gün ərzində keçiriləcək oyunlar PFL-in "1-ci liqa/2-ci liqa" "yutub" kanalında canlı yayınlanacaq.

Turun ilk görüşündə "Mingəçevir" MOİK-i qəbul edəcək. Ədəhim Niftəliyevin komandası ilə "Şamaxı"ya məğlubiyyətlə (0:1) başladı. Bir qədər bəxtsizlikdi ki, ikinci rəqib də turnirin favoritlərindəndi. "Nur şəhəri" təmsilçisi evdə ardıcıl ikinci dəfə uduzmamaq üçün əlindən gələni etməlidi. Mingəçevirlilərin 1-ci liqada ən çox azarkeş kütləsinə malik kollektiv olduğu bəllidi. Onları tribunadan küsdürmək olmaz. Ordu klubuna gəlincə, “hərbçilər” ötən həftə gözlənilmədən "Karvan"a uduzdu (0:1). Qəzənfər Abbasovun yetirmələri çempionluq uğrunda mübarizədən qopmaq istəmirsə, səfərdən 3 xalla qayıtmalıdı. Hər halda, "Şamaxı", "İmişli" və "Qaradağ Lökbatan" kimi ciddi rəqiblərdən geri qalmaq onlara baha başa gələ bilər.
"İmişli" demişkən, turun ikinci oyununda məhz bu kollektiv meydan çıxacaq. Əsgər Abdullayevin komandası "Difai Ağsu"nu sınağa çəkəcək. Üçüncü pillədə qərarlaşan meydan sahiblərinin qonşularıyla xal fərqi çox deyil. Odu ki, rəqibin autsayder olmasından, azarkeş dəstəyindən və 13-cü turda "İrəvan" üzərindəki qələbəyə (2:1) görə artan motivasiyadan yararlanmaq lazımdı. Çünki yuxarı pillələr uğrunda mübarizənin getdikcə şiddətlənəcəyini unutmaq sonradan peşmanlıq yarada bilər. Nəzərə almaq lazımdı ki, "Difai Ağsu" ötən tur "Araz Saatlı"nı darmadağın etdi. Yəni rəqib İmişlidə müqavimətsiz təslim olmayacaq.

14 fevral
Mingəçevir – MOİK 0:1
Ramil Oruciv, 1.
Mingəçevir, Yaşar Məmmədzadə adına şəhər stadionu. Saat 15.00.

İmişli – Difai Ağsu 1:0
eLNUR cƏFƏROV, 79.
İmişli, Heydər Əliyev adına şəhər stadionu. Saat 15.00.

Xal durumu: Qaradağ Lökbatan - 28, Şamaxı - 25, İmişli - 26, MOİK - 25, Karvan- 21, İrəvan - 20, Zaqatala - 17, Mingəçevir - 14, Difai Ağsu - 7, Araz Saatlı - 3.

Bombardir: Elşad Tağıyev (Şamaxı) - 11.

KƏNAN BAHADIR