Bu gün 1-ci liqada 6-cı tura start veriləcək.

"Football-plus.az" xəbər verir ki, günün ilk matçı Zaqatalada keçiriləcək. Bölgənin eyniadlı təmsilçisi "Araz Saatlı"nı qəbul edəcək.

Rüstəm Məmmədovun komandası mövsümdə ilk qələbəsini qazanmağa çalışacaq. Günün 2-ci oyununda "Difai Ağsu" "İmişli"ni sınağa çəkəcək. Autsayderin də qələbə xanasında 0 görürük. Meydan sahibləri "şeytanın qıçını qırmaq niyyətindədi”. Lakin bu asan olmayacaq. Çünki İmişlidən gələnlər də 4 turdu qələbəyə həsrətdi. Bu üzdən 3 xal uğrunda gərgin mübarizənin şahidi olacağıq. Günün son oyununda Yevlaxda “Karvan”la "Qaradağ Lökbatan" üz-üzə gələcək. Bütün oyunlar Peşəkar Futbol Liqasının "I Liqa/II Liqa" yutub kanalında canlı yayınlanacaq.

25 oktyabr
Zaqatala – Araz Saatlı 2:0
Elmir Abbasov, 45. Uoren Lloyd, 57
Zaqatala, Olimpiya İdman Kompleksini stadionu. Saat 14.00.

Difai Ağsu – İmişli 0:3
Xəzər Mahmudov, 4. Tolqar Yaqubov, 17. Nodar Məmmədov, 68.
Ağsu, şəhər stadionu. Saat 14.30.

Karvan – Qaradağ Lökbatan 1:2
Peter Kinqs, 3 - Murad Qayalı, 38. Xəlil Bəşirov, 44.
Yevlax, şəhər stadionu. Saat 15.00.

Xal durumu: Qaradağ Lökbatan - 13 MOİK - 11, İrəvan - 10, Şamaxı, Karvan - 8, Mingəçevir. İmişli - 7, Araz Saatlı, Zaqatala - 6, Difai Ağsu - 1.
Bombardirlər: Emin Zamanov (Şamaxı) - 5, İsa Zeynallı (MOİK) - 4.

KƏNAN BAHADIR