Kliçko rinqə dönəcək?
Ukraynalı boksçu Vladimir Kliçkonun meneceri Tim Loffler onun 8 illik fasilədən sonra karyerasını bərpa etməyə hazır olduğunu deyib:
“Vladimir deyir ki, Cord Formenin rekordunu qırmaq üçün titul uğrunda döyüşərdi. Baxaq görək, martda onun 49 yaşı tamam olacaq. Heç kim olmasa da, Vladimir bunu bacarar, hazırda möhtəşəm formadadı”.
Kliçkonun meneceri onun həmçinin həmvətəni Aleksandr Usiklə döyüşmək niyyətində olmadığını, Tayson Füri ilə döyüşə biləcəyini deyib.
Xatırladaq ki, 48 yaşlı ukraynalı 2017-ci ildə britaniyalı Entoni Coşuaya uduzandan sonra karyerasını bitirib. Kliçki karyerası boyunca 64 qələbə qazanıb (53-ü nokautla), 5 döyüşdə məğlub olub.
Digər xəbərlər
