“...Gözəl həyat yoldaşım, altı uşağımız var”

WBC versiyası üzrə superağır çəkidə çempion, britaniyalı boksçu Tayson Füri peşəkar karyerasını bitirdiyini bir daha xatırlatmalı olub:

“Bu həqiqətdi və başqa həqiqət yoxdu – mən karyeramı bitirmişəm. Həmişə başqaları da olacaq, kimsə döyüşmək istəyəcək. Anlamaq lazımdı ki, hər şeyin bəs olduğunu göstərən an da yetişir. Xoşbəxtəm, sağlamam, gözəl həyat yoldaşım, altı uşağımız var. Boks təhlükəli idman növüdü, bir zərbə ilə səni sıradan çıxara bilərlər. Mən indi razıyam, karyeramdakı uğurlar məni tam qane edir”.
[quote][/quote]
Xatırladaq ki, 33 yaşlı Füri karyerası boyunca 32 qələbə qazanıb, 1 döyüşü heç-heçə bitib. Sonuncu döyüşünü aprelin 23-də Dillian Uayta qarşı keçirən britaniyalı 6-cı raundda texniki nokautla qalib gəlməklə WBC-in çempion kəmərini 2-ci dəfə qoruyub. Tayson döyüşdən sonra karyerasını bitirdiyini elan edib.