Osimhen jurnalistə pul təklif etdi və hədə-qorxu gəldi! - FOTO
Mövsümün əvvəlində ''Qalatasaray''a gəlişi böyük hay-küyə səbəb olan, vurduğu qollarla qısa müddət ərzində fanatların sevgisini qazanan Viktor Osimhen ilə bağlı diqqətçəkən bir xəbər yayılıb.
''Football-plus.az'' xəbər verir ki, ən son çərşənbə axşamı Avropa Liqasında Kiyev ''Dinamo''suna qarşı ev oyununda (3:3) penaltidən fərqlənən nigeriyalı forvard bu mövsüm 19-cu rəsmi oyunda vurduğu qolların sayını 15-ə çatdırdı. Oyundan bir gün sonra, yəni çərşənbə günü isə Osimhenin dostları ilə bir əyləncə məkanına getdiyi məlum olub.
26 yaşlı futbolçu məkandan çıxarkən bir andaca qarşısında reportyorları görüncə və şəkillərinin çəkildiyini anlayınca böyük təşviş yaşayıb. O, jurnalistlərdən birinə - ''Posta'' nəşrinin əməkdaşı Tolqa Bozdumana hədə-qorxu gələrək hətta ona yumruq da atıb. Bunu Osimhenin şəklini paylaşan Bozduman özü açıqlayıb:
''Üç məsləkdaşımla birlikdə məkanın qapısında Osimhen ilə qarşılaşdıq. O bizim kimliyimizi bilən kimi qışqırıb bağıraraq qiyamət qoparmağa başladı. Üzərimə gələrək fotoaparatımı əlimdən almağa çalışdı. Amma əlimdən buraxmadım. Bir neçə yumuruq atdı və onlardan biri başıma dəydi. Sağ tərəfim hələ də ağrayır. Bu azmış kimi bizə təhqirlər də yağdırdı. Sonra bir qədər sakitləşərək ''görüntüləri yox edin, sizə pul verəcəm'' dedi. Təklifini qəbul etməyəcəyimizi anladıqdan sonra ''sizi məhv edəcəm'' deyərək hədə-qorxu gəldi''.
ƏLİ
Digər xəbərlər
