Osimhen ''Trabzonspor''a qarşı oynayacaqmı?
İnamla turnir cədvəlinə başçılıq edən ''Qalatasaray'' bu gün, superliqanın 16-cı turunda öz meydanında ''Trabzonspor''la qarşılaşacaq.
Viktor Osimhenin oynayıb-oynamayacağı bəlli deyil. Nigeriyalı forvard ötən tur Sivas səfərində əzələsini dartmış, iki həftəliyə sıradan çıxmış və Avropa Liqasında ''Malmö''yə qarşı oyunu da buraxmışdı.
Gözləniləndən tez sağalan Osimhenin bu dəfə adının iştirak ərizəsinə düşəcəyi istisna edilmir. Amma onun şans qazanıb-qazanmayacağı bilinmir. 25 yaşlı futbolçu ''Bəyaz TV'' kanalına açıqlamasında bunları deyib:
''İndi özümü yaxşı hiss edirəm. Amma bu həftə oynayıb-oynamayacağımı bilmirəm. Fanatlarımız bizi dəstəkləməkdə davam etməlidi. Mövsümün indiyə qədər olan bölümünə qədər verdikləri dəstəyə görə onlara minnətdarıq. Bu mövsüm çempion olmaq üçün sona qədər meydanda var gücümüzü qoyacağıq. ''Trabzonspor''la oyun asan keçməyəcək. Amma qalib gəlməyə hazırıq''.
ƏLİ
Digər xəbərlər
