''Qalatasaray''ın Avropa Liqasında Kiyev ''Dinamo''su ilə 3:3 bərabərə qaldığı qarşılaşmanın ardından ən çox müzakirə edilən futbolçulardan biri Fernando Muslera oldu.

''Football-plus.az'' xəbər verir ki, bəlkə də uzun illərdən sonra ilk dəfə ünlü qapıçı ''Qalatasaray'' fanatları tərəfindən fitə basıldı. Düzdü, onun buraxılan qollarda kobud səhvi olmadı. Amma ''Dinamo'' oyunboyu ''çərçivə''yə yalnız üç zərbə vurması və hər üç zərbənin də qolla nəticələnməsi diqqət çəkdi. 38 yaşlı qapıçı final fitinin ardından meydanı tərk edərkən əli ilə baş məşqçi Okan Buruka ''artıq bitdi'' mənasını verən işarə göstərdi və sürətlə paltardəyişmə otağına yollandı. Çox güman, Muslera bu hərəkətilə bir daha göstərdi ki, onun klubu tərk etmək qərarı qətidi.

''Qalatasaray''da 14-cü mövsümünü keçirən Musleranın müqavilə müddəti mövsümün sonunda başa çatacaq. O, iki dəfə rəhbərliyin yeni müqavilə ilə bağlı təklifini geri çevirib. Ünlü qapıçı artıq ailəsi ilə birlikdə vətəni Uruqvaya qayıtmaqda qərarlıdı. Matçın ardından Okan Buruk Musleranın fitə basılması barədə bunları dedi:

Əbdülkərim Bardakcı isə bunları dedi:


Musleranın bu mövsüm 26 rəsmi oyunda forma geydiyini, bunlardan cəmi 4-də qapısını toxunulmaz saxladığını və 37 qol buraxdığını bildirək. Muslera hazırda Bülənt Korkmaz ilə birlikdə ''Qalatasaray'' tarixində Türkiyə çempionatında ən çox oyun keçirmiş iki futbolçudan biridi. Onların aktivində 428 oyun var. O, həftəsonu ''Konyaspor''la oyunda meydana çıxacağı təqdirdə bu rekordun təkbaşına sahibinə çevriləcək və növbəti dəfə adını klub tarixinə yazdıracaq.

ƏLİ