''Bəli, Muslera mövsümün sonunda vətəninə qayıtmaq arzusundadı. Buna baxmayaraq həmişəki kimi ən peşəkar səviyyədə oyunlara hazırlaşır. Mənim fikrimi bilmək istəyirsizsə, onun qalmasının tərəfdarıyam. Əslində ötən mövsümün gedişində də ayrılmaq, ölkəsinə qayıtmaq barədə düşünürdü. Çünki ailəsi, yoldaşı və uşaqları ordadı. Uşaqları artıq böyüyür. O da təbii olaraq ailəsi üçün darıxır. Muslera bizim kapitanımızdı. Camiəni də, komandanı da gözəl tanıyır. Həm güclü xarakteri var, həm də yaxşı qapıçıdı. Musleranın yerini doldurmaq heç də asan olmayacaq. Nə qədər pul verirsənsə ver, işinə bu dərəcədə peşəkar yanaşan, komandaya bu qədər bağlı olan birini tapmaq çətin olacaq. Ümumiyətlə, indi yaxşı qapıçı tapmaq asan deyil. ''Fənərbaxça'' Livakoviçə 10 milyon avroya yaxın pul verdi. Gətirəcəyin qapıçının ölkəyə və komandaya nə dərəcədə adaptasiya olunacağını bilmək olmur. Artıq yavaş-yavaş qapıçı axtarışlarına başlamalıyıq''.