Bakıda "Qarabağ" və Rumıniyanın FKSB komandaları arasında keçiriləcək Avropa Liqasının əsas mərhələsinin 7-ci turunun oyununun təyinatları bəlli olub.

"Football-plus.az" xəbər verir ki, qarşılaşma Slovakiyadan olan hakimlər briqadasına tapşırılıb.

Oyunu FİFA referisi Filip Qlova idarə edəcək. Ona Daniel Polaçek və Peter Bednar kömək göstərəcək. Dördüncü hakim funksiyasını Lukaş Dzivyak yerinə yetirəcək. VAR-da Mihal Oçenaş, AVAR-da Martin Dohal əyləşəcək.

Görüşün hakim-inspektoru isveçli Martin Hansson, UEFA nümayəndəsi isə belaruslu Natalya Vorobyova olacaq.

Oyun yanvarın 23-də, saat 21.45-də Tofiq Bəhramov adına Respublika stadionunda keçiriləcək. Turnir cədvəlində Azərbaycan çempionu 3 xalla 33-cü, FKSB 11 xalla 10-cu sıradadı.