Çempionlar Liqasının 2-ci təsnifat mərhələsində keçiriləcək "Qarabağ" - "Sürix" ilk oyununun təyinatları açıqlanıb.


"Football-plus.az" UEFA-nın rəsmi saytına istinadən xəbər verir ki, qarşılaşma Bosniya və Hersoqovinadan olan hakimlər briqadasına tapşırılıb. Baş hakim İrfan Peltoya yan xətdə Senad İbrisimbeqoviçlə Davor Belyo yardım göstərəcək. Dördüncü hakim funksiyasını isə Miloş Giqoviç yerinə yetirəcək.

İyulun 19-da Tofiq Bəhramov adına Respublika stadionunda keçiriləcək oyun saat 20.00-da başlayacaq.