“Təlim-məşq toplanışına yanvarın 6-da başladıq. Ayın 11-də Region Liqasında çıxış edəcək “Balaxanı”, 16-da isə Bakıda tələbə olan afrikalı oyunçulardan ibarət komanda ilə yoldaşlıq oyunu keçirdik. Komandaya dünən istirahət verdik. Bu gün yenidən məşqləri davam etdirəcəyik. Qarşıdan gələn çempionat oyununa qədər yenə yoxlama görüşü keçirəcəyik. Oyundan sonra çempionata tam hazırlaşacağıq.Sənan Ağayev, İlham Allahverdiyev, Kamil Hüseynov, Sərcan Omarov, Bəşir Ayralov, Əzəmət Ələkbərli, Tolqar Yaqubovla yollarımızı ayırdıq. Mahir Məmmədli, Xəyal Bədirov, Ömər Məmmədzadə, Ceyhun Muxtarlı və Fərid Kərimzadəni komandaya dəvət etdik”.

“Təlim-məşq toplanışına yanvarın 10-da start verdik. “Neftçi”nin U-19 komandası və “Səbail-2” ilə yoxlama oyunu keçirmişik. Bu gün MOİK-lə oyunumuz var. Ayın 23-ü “Qəbələ” ilə son yoxlama oyunu keçirəcəyik. Yollarımızı ayırdığımız futbolçular çoxdu. Bahadur Həziyev, Nurlan Novruzov, Şahin Balejai və 5-6 gənc futbolçu ilə müqavilə imzalamışıq. Bəlkə yenə transferlərimiz oldu. Komandada hər şey qaydasındadı. “Cəbrayıl”la oyuna hazırlaşırıq. 2-ci dövrədə komandanı yaxşı yerlərə çıxarmağa çalışacağıq”.

“Toplanışa yanvarın 5-də başlamışıq. Məşqlərimizi öz stadionumuzda - Buzovnadakı “Baku Sportinq Arena”da keçirik. Bir yoldaşlıq matçı keçirmişik. “Araz-Naxçıvan”ın əvəzedici heyəti ilə üz-üzə gəlmişik. 12-ci turun matçına qədər daha iki yoxlama oyunu keçirməyi düşünürük. Rəqiblərimiz böyük ehtimalla 1-ci liqa təmsilçiləri olacaq. Komandamızı beş futbolçu tərk edib, onlardan biri iranlı legionerdi. Təbii ki, gələnlər də var. Onların sayı 4 nəfərdi. Hazırda baxışda olan və danışıq apardığımız futbolçular da var. Heyətimizə daha iki oyunçu qatmağı düşünürük”.