MOİK və “Şamaxı” qalib gəldi
Mövsümün 2-ci hissəsinə hazırlaşan birinci liqa klubları vaxtaşırı yoxlama oyunu da keçirir.
Dünən onların bəziləri ilə əlaqə saxladıq.
Qəzənfər Abbasov (MOİK):
“Bu gün “Füzuli” ilə oynadıq və 2:1 hesabıyla qələbə qazandıq. Qolları İsa Zeynallı və Elvin Vəliyev vurdu. Bütün oyunçularım yaxşı idi. Səhvləri çox oldu, bu da yorğunluqla bağlı idi. Amma “Karvan”la çempionat oyununda bu səhvlər olmayacaq. Bir legionerlə danışıq aparırıq. Alınsa, komandaya qoşacağıq. Bu gün onun da oyununa baxdıq. Hücumçudu. Heç kimi yola salmırıq. Gedənlər dekabrın 29-dan gedib. Üç futbolçu ilə yollarımızı ayırmışıq. Əlavə dörd futbolçu götürəcəyik. Müqaviləsi olan bütün futbolçularımız yerindədi”.
Ramiz Məmmədov (Şamaxı):
“Bu gün “Araz Saatlı” ilə yoldaşlıq oyunu keçirdik, 3:1 qalib gəldik. Qolları Bəhruz Teymurov, Roman Hüseynov və Emin Zamanov vurdu. Oyundan qismən razı qaldım.
Kənan Kərimov (Karvan):
“İlk yoxlama oyununu yanvarın 19-da “Mingəçevir”lə keçirdik. Həmin vaxt bizə təzə qoşulan futbolçular var idi, onları yoxlayırdıq. Oyun qolsuz heç-heçə ilə bitdi. Dəvət etdiyimiz futbolçular var idi, onlar bizi qane etmədiyinə görə göndərdik. Fevralın 1-də “Şamaxı”ilə qarşılaşacağıq. Həmin oyundan sonra isə çempionata hazırlaşacağıq”.
ƏSƏD SEYİDOV
