Terimin komandası qələbə qolunu 90+7-də vurdu!

''Əl-Şabab'' Fatih Terimin başçılığı altında növbəti oyununa çıxıb. Bu komanda Səudiyyə Ərəbistanı çempionatının 15-ci turunda ''Əl-Riyad''ı qəbul edib.

İlk yarısı qolsuz başa çatan qarşılaşmada əsas maraqlı hadisələr fasilədən sonra baş verib. Qonaqlar ikinci hissənin əvvəllərində Yəhya Əl-Şehri ilə hesabı açmağa müvəffəq olublar. Amma ''İmperator''un komandası geri dönüş etməyi bacarıb. 72-ci dəqiqədə Daniel Podense bərabərlik qolunu vurub. Oyunun taleyi əsas vaxta əlavə olunmuş 7-ci dəqiqədə həll olundu. Abderrazak Hamdallah ''Əl-Şabab''a Terimin dönəmində çempionatda ilk qələbəni qazandırdı!

Xalını 25-ə yüksəldən Ər-Riyad təmsilçisi hələ də 6-cı pillədədi. Amma komanda xal hesabında ''Əl-Əhli''yə çatdı. Çünki ötən həftə Terimin çempionatdakı debüt oyununda ''Əl-Şabab''ı 3:2 məğlub edən ''Əl-Əhli'' bu həftə Merih Dəmiralın qırmızı vərəqə aldığı qarşılaşmada ''Əl-Xolud''a 0:1 hesabı ilə uduzdu.

''Əl-Şabab''ı növbəti tur çempionatın liderlərindən olan ''Əl-İttihad''a qarşı çətin səfər oyunu gözləyir.

ƏLİ