“Yüksək liqada mübarizə aparan futbolçu gətirmək üstünlükdü. Amma ad yox, perspektiv baxımından hansısa oyunçunu gətirməyin tərəfdarıyam. Bu yöndə çalışmalarımız davam edir. Bəlkə də kobud çıxacaq, mən başqa cür düşünürəm. Beynində futbolu bitirən adamlarla işləməyin heç bir mənası yoxdu. Düşünürəm ki, daha gənc və perspektivli kadrlar lazımdı. Yaşlı oyunçu da ola bilər. Amma özünə baxan və işinə yanaşması, həvəsi ciddi şəkildə olan futbolçunu gətirmək daha məqsədəuyğundu. Fevralın 14-nə - “transfer pəncərəsi” bağlanana qədər axtarışlarımızı davam edəcək. İstəmirik ki, tələsək və səhv seçim edək. İstəkli, ambisiyalı, işə ciddi yanaşan futbolçuları götürməyə çalışırıq”.