“Başqa klublara müqavilə ilə bağlı olan futbolçulara gəlincə...” – “Sevilya”nın baş məşqçisi Juninyo ilə Varqas haqda
2025-ci ilə “Almeriya”ya qarşı kubok oyunu ilə başlayacaq “Sevilya”nın baş məşqçisi Xavyer Qarsiya Pimyenta mətbuat konfransı keçirib.
“Football-plus.az” xəbər verir ki, mövsümün ilk yarısında cəmi 20 qol vurmaqla məhsuldarlıq baxımından ilk “10-luğ”a düşə bilməyən komandanın çalışdırıcısına hücum xətti ilə bağlı çoxlu sual verilməsi təbii haldı. O da aydındı ki, hücumu gücləndirməklə bağlı iki əsas variant var. İdman direktoru Viktor Ortanın əsas hədəfləri “Qarabağ”ın braziliyalı hücumçusu Juninyo və “Auqsburq”un isveçrəli yarımmüdafiəçisi Ruben Varqasdı.
Pimyenta mətbuat konfransında Juninyonun adını çəkməsə də, prinsipcə demək istədikləri anlaşılandı:
“Hücumçu mövqeyini gücləndirmək istəyirik. Hücumçu və ya vinger komandası tərk edirsə, onu əvəz etməliyik. İdman direktoru işinin öhdəsindən yaxşı gəlir. Transfer xatirinə transfer etməyəcəyik. Belədə əvəzedici heyətdən Xormiqo və ya Oso kimi futbolçuları dəvət etmək daha yaxşı variantdı. Başqa klublara müqavilə ilə bağlı olan futbolçulara gəlincə, transfer baş tutmadan onlar haqda danışmağa dəyməz”.
ORXAN
Digər xəbərlər
