“Klub tərəfindən də rəsmi məlumat verilib ki, Juninyo üçün “Sevilya”dan təklif var. Tərəflər razılaşarsa, transfer baş verə bilər. Bir tərəfdən sevindirici haldı ki, “Sevilya” kimi böyük komanda Azərbaycanda oynayan futbolçuya maraq göstərir. Nə dərəcədə razılığa gələcəklərini hadisələrin sonrakı axarı göstərəcək. Yay transfer dönəmində belə keyfiyyətli hücumçu tapmaq asan deyil. Amma burada şans işi də ola bilər. Bəlkə də yaxşı futbolçu transfer etmək olar. Bir az süni qiymət artımı var. Normal futbolçulara inanılmaz təkliflər irəli sürülür. Ümid edirəm ki, “Qarabağ” üçün transfer uğurlu nəticələnər. “Qarabağ”ın istədiyi məbləğ ödənər və klub Juninyodan da yaxşı futbolçu transfer edər. Bu şans məsələsidi. Hər halda, “Qarabağ”a bu yolda uğurlar arzulayıram. Şansın onların yanında olmasını istərdim”.