“Çempionatın ortasında bir məşqçi komandaya gələrsə, ona ilk növbədə zaman lazım olur. “Neftçi” 8-10 ildi boşuna pul xərcləyir, əsasən də legioner almağa. “Neftçi”nin hər 6 aydan bir baş məşqçisini dəyişdiyini də yaddan çıxarmayaq. Samir Abasov komandanı düzəltmək istəyir. Ona da vaxt lazımdı. Oyunçuların oyunlara hazırlığı bərabər səviyyədə deyil. Samir Abasova vaxt versələr, o gərək heyəti gələn ilə düzəltsin. Mən komandanın nə istədiyini hiss etmirəm. “Neftçi”nin durumu ürəkaçan deyil. Bunun söhbəti yox. Abasov dəvət olunub, ona vaxt vermək lazımdı ki, istədiyi komandanı qursun. Ümumiyyətlə, ölkə klubları əvvəl də istəyirdilər ki, Avropada oynasınlar. Sən həm oyunçu axtarır, həm də oyununu düzəldirsənsə, bu alınmır. İndidən danışıqlar aparmaq lazımdı. Avrokuboklarda bir-iki mərhələ adlayandan sonra nəsə çatmır. Oyunçu seçimi o dərəcədə olmur. 10-15 il əvvəllə müqayisədə böyük fərq var. İnfraksturktur və maliyyə cəhətdən də həmçinin. İstəyirik ki, komandalarımız Avropa və Konfrans Liqasının qrupuna düşsünlər. Buna görə də indidən hazırlaşmaq lazımdı. Bizim komandalarda durum fərqlidi. Çempionat bitir və komandaların avrokuboklarda mübarizə aparacağı rəqib müəyyənləşir. Bundan sonra futboçu axtarmağa başlayırlar. Futbolçunu gətirmək də 5-10 gün çəkmir. Uzun proses gedir. Sənə hansı mövqelərdə futbolçunun lazım olduğunu axtarmalısan. Komandada oyunçu seçimi baş məşqçinin əlində olmalıdı. Yanvarda oyunçu seçimlərinə başlamaq lazımdı”.