''Klubun buna ehtiyacı olsa, hətta karyeramı ''Srvena Zvezda''da tamamlamaq istərdim. Amma onların məndən məmnun olub-olmayacağını bilmirəm. Bir çox şərtlər var. ''Srvena Zvezda'' ilə üçillik müqavilə imzaladım. Məncə, bu məqam klubla bağlı ciddi hədəflərimin olduğunu göstərir. Qış transfer dönəmi ilə yay transfer dönəmi tamam fərqli olur. ''Fənərbaxça''ya qışda gəlmişdim və özümü yetərli qədər göstərə bilmədim. Yeni mövsümə ümidlə baxırdım, amma yenə bacara bilmədim. Türkiyə mənə uyğun ölkə deyil. Yayda klubun başına Mourinyo gətirildi və onun mükəmməl məşqçi olduğunu düşünürəm. Amma ayrılmağımın səbəbkarlarından biri də o oldu. Mənim yerimə fərqli özəlliklərə malik olan, daha müdafiəyəmeyilli bir yarımmüdafiəçi istədi. Həm də Türkiyədə legioner limiti tətbiq olunur. Ona görə də düşündüm ki, orda ehtiyatda qalmaqdansa, daimi oynaya biləcəyim bir kluba yollanım. Ona görə də ''Srvena Zvezda''dan zəng gələndə çox sevindim. ''Milan''da oynadığım dönəmdə də bura gəlmək ehtimalım var idi. Amma həmin vaxt müxtəlif səbəblər üzündən bu transfer baş tutmamışdı. Bu dəfə isə uşaqlıq arzumu həyata keçirdim. Açığı, maddi baxımdan bundan da yaxşı təkliflərim var idi. Amma ''Srvena Zvezda'' kimi bir klubdan təklif aldıqda ''yox'' deyə bilmədim''.